Fjalori

Rezultate në përkufizime për “birësim”

Mëso si ta përdorësh
<<< Kthehu te kërkimi kryesor në fjalor

ADOPTIM

ADOPTÍM,~I m. sh. ~E, ~ET 1. drejt. Birësim; proces ligjor dhe emocional përmes të cilit një individ ose një çift bëhet prind i një fëmije që nuk është fëmija biologjik i tyre me të drejta të plota ligjore dhe me përgjegjësi për mirëqenien, edukimin dhe rritjen e tij. Adoptim institucional. Ligji për adoptimin. Adoptim përmes agjencive të specializuara. Adoptim privat. Adoptimi i fëmijës. Bëj adoptimin e një fëmije.
2. libr. Pranimi ose përvetësimi i një ideje, i një praktike, i një metode, i një stili të ri; pranimi i ndjekjes a i zbatimit të një vije, të një parimi, të një metode pune. Adoptimi i një vendimi (i një ligji, i një thirrjeje).

ADOPTIV

ADOPTÍV,~E mb., drejt. 1. Që adopton, që bën birësim. Institucion adoptiv. Masa adoptive. Kushte adoptive. Vendim adoptiv.
2. I birësuar. Fëmijë adoptiv.

BIRËSIM

BIRËSÍM,~I m. Veprimi kur birësoj dikë a kur birësohem; adoptim. Birësim i fëmijëve. Birësim sipas ligjit. Proces i birësimit. Të drejtat e birësimit. Regjistri i birësimeve. Kërkesa për birësim.

DHËNIE

DHËNI/E,~A f. sh. ~E, ~ET Veprimi kur jap dikë ose diçka ose kur jepem pas diçkaje; kund. marrje. Dhënia e fëmijës për birësim. Dhënia e lajmeve. Dhënia e diplomave. Dhënia e urdhrit. Dhënia e provimeve. Dhënia e lejes. Procedurat e dhënies së statusit. Pas dhënies së vendimit gjyqësor. Dhënia pas pijes.

NJERKOR

NJERKÓR,~E mb. Që lidhet me njerkën a me njerkun, që i takon njerkës ose njerkut, i njerkës ose i njerkut. Birësim njerkor.

NJËPRINDËROR

NJËPRINDËRÓR,~E mb. Që ka vetëm një prind. Familje njëprindërore. Birësim njëprindëror.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë