Fjalori

Rezultate në përkufizime për “binde”

Mëso si ta përdorësh
<<< Kthehu te kërkimi kryesor në fjalor

BIND

BIND vep., ~A, ~UR kal. 1. I mbush mendjen dikujt me arsyetime, me të dhëna e me prova se diçka është e vërtetë a e drejtë dhe e bëj të besojë plotësisht për këtë; e bëj të pranojë diçka si të vërtetë e të drejtë dhe të mos dyshojë për këtë; shtroj. Bind shokët. Bind me fjalë (me fakte, me prova). Përpiqem (arrij) ta bind. - A e binde këtë herë? E bind me të mirë.
2. bised., fig. Bëj dikë të ngrijë në vend (nga diçka e papritur), e çudit, e habit, e mahnit. Bindi botën me këtë shpikje. E bindi kuçedrën me gjitha ato çudira që bënte. (folk.).
✱Sin.: çudit, habit, mahnit, shtang, ngrij, nguros, nguroj, topit.

BINDE

BÍND/E,~JA f. sh. ~E, ~ET krahin. Damixhanë. Binde me verë. Rakia mbahet në binde.
✱Sin.: damixhanë, zamzane, bocun.

DAMIXHANË

DAMIXHÁN/Ë,~A f. sh. ~A, ~AT Enë e madhe prej qelqi, me bark të gjerë e me grykë të ngushtë, që vishet nga jashtë me një thurimë kashte ose xunkthi për të mos u thyer dhe që përdoret zakonisht për të mbajtur verë, raki etj. Damixhanë me raki (me verë, me uthull). Mbush (zbraz) damixhanën. Hedh nga damixhana.
✱Sin.: zamzane, binde, bocun.

VAZHDAR

VAZHDÁR ndajf. 1. Me vazhdarë, me vazhda a hulli, me vraga. U bë ara vazhdar.
2. edhe fig. Duke rrjedhur shumë, duke rrjedhur me forcë, me shumicë, çurg, rrëke. Lumi shkonte (rridhte) vazhdar. Shiu binde vazhdar. Vërshuan ujërat vazhdar. I rridhnin lotët vazhdar. I shkonte gjaku vazhdar.
3. Pa u këputur, por duke lënë gjurmë. Na mbetën fijet e sanës vazhdar nëpër livadh. Makina e kishte rrjedhur vajin dhe e kishte lënë vazhdar rrugës.
✱Sin.: vargan, varg.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë