Fjalori

Rezultate në përkufizime për “bimsë”

Mëso si ta përdorësh
<<< Kthehu te kërkimi kryesor në fjalor

BIMSË

BÍMS/Ë,~A f. sh. ~A, ~AT Qilar, bodrum. Bimsa e shtëpisë. Mbaj (mbyll) në bimsë.

BURG

BUR/G,~GU m. sh. ~GJE, ~GJET 1. Ndërtesë e posaçme ku mbahen të dënuarit me heqje të lirisë, vend ku mbahen të burgosurit; birucë; banesa e re (euf.). Burg i sigurisë së lartë. Roje burgu. Qelitë e burgut. Regjim burgu. E futën në burg. Ra (përfundoi) në burg. U lirua (doli) nga burgu. Iku (u arratis) nga burgu. Burgu-varri i të gjallëve. Burgu e ka derën e madhe për të hyrë, por të vogël për të dalë. (fj. u.).
2. krahin. Qilar ku ruhen ushqime e pije; haur bagëtish. Burgu i verës (i vajit). Burgu i kuajve (i dhive, i gjësë së gjallë).
3. Burgim2. Burg i rëndë (i lehtë). I dënuar me burg. Një vit burg. Bëri burg. Shpëtoi nga burgu.
4. fig. Vend ku jeta është e rëndë dhe e padurueshme për shkak të shtypjes e të terrorit, të mjerimit e të ndjekjeve. Burg fashist. Burg popujsh.
5. fet. Vend ku sipas besimit të popujve paganë, jetojnë dhe dënohen të gjithë shpirtrat e të vdekurve; ferr. Kur të dalësh në atë fushë të gjerë, / Kërkoi burgjet gjithë ku janë. (folk.).
6. Errësirë e madhe, terr i madh. U bë (është) burg. Burg për tokë mjegulla ka rënë. (folk.).
7. Kodër e vogël shkëmbore e veçuar nga mali; majë shkëmbore e një mali, shkëmb i thepisur.
8. Grumbull thneglash.
✱Sin.: hapsanë, bodrum, qilar, bimsë, errësirë, errësim, bunacë, terrinë, terr, skëterrë, ferr.
♦ Iu bë burg (jeta) (dikujt) iu bë jeta e rëndë dhe e padurueshme, iu nxi jeta. Ia bëri udhën (rrugën) burg (dikujt) ia errësoi punën e s’e la të kuptojë se si duhet të veprojë a nga t’ia mbajë. I thotë burgut *hapu (dikush).

QELI

QELÍ,~A f. sh. ~, ~TË 1. Kthinë e vogël në një manastir, ku banon murgu ose murgesha. Qelitë e murgjve (e murgeshave). Dera e qelisë. Qelitë e manastirit.
2. Kthinë e vogël dhe e ngushtë në një burg, ku veçohet një i burgosur; birucë. Qeli e errët. E futën në qeli. Qëndroi në qeli për disa kohë.
3. Dhomë e vogël në qilar ku ruhen ushqimet; bimsë. Gjyshet i mbanin ushqimet në qeli
✱Sin.: birucë, kaush, qilar, bodrum.
♦ Qeli pa dritare (e mbyllur) njeri i mbyllur, që nuk i nxjerr kurrë të fshehtat; varr i mbuluar; arkë e mbyllur.

ZDRYMË

ZDRÝM/Ë,~AI f. sh. ~A, ~AT Bimsë, qilar, bodrum, katua.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë