Fjalori

Rezultate në përkufizime për “begatuar”

Mëso si ta përdorësh
<<< Kthehu te kërkimi kryesor në fjalor

BEGATOJ

BEGAT/ÓJ vep., ~ÓVA, ~ÚAR kal. 1. I sjell të mira me shumicë, e bëj të begatshëm, e pasuroj. Begatojmë atdheun (vendin). Begaton gjuhën (letërsinë). I begatoi jetën. Me këtë vepër begaton kulturën tonë (dijet). Begatojmë veten intelektualisht.
2. vjet. E bëj të pasur. Ka begatuar të tjerët.

BEGATUAR

BEGATÚAR (i, e) mb., edhe fig. Që ka shumë mall e gjë (për dikë), i pasur, i kamur, begator; që i bën vezë edhe gjeli (edhe këndesi, edhe kaposhi). Grua e begatuar. Ishte i begatuar edhe me pasuri natyrore. I begatuar me këngë foklorike të kohës.

PASURUAR

PASURÚAR (i, e) mb. 1. Që është pasuruar ekonomikisht; që është bërë më i pasur; kund. i varfëruar. Vend i pasuruar. Shtresë e pasuruar.
2. spec. Që ka fituar cilësi më të mira ose vlera të reja; që i është përmirësuar përbërja; kund. i varfëruar. Tokë e pasuruar. Minerale të pasuruara. Uranium i pasuruar uranium që mund të përdoret për prodhimin e një arme bërthamore.
✱Sin.: i begatuar, i përmirësuar, i kapur, i mëkëmbur, i zënë, i dhjamur.

PËRPARUAR

PËRPARÚAR (i, e) mb. 1. Që ka arritur një shkallë të lartë zhvillimi a përsosurie, që është zhvilluar dhe vijon të zhvillohet më tej. Bujqësi (industri) e përparuar.
2. Që e çon më përpara zhvillimin e diçkaje; modern; kund. i prapambetur. Metoda të përparuara. Teknikë (teknologji) e përparuar.
3. Që është me të renë, që e mbron dhe e përkrah atë. Njeri i përparuar.
4. Që ka arritur një zhvillim të përgjithshëm politik, ekonomik, kulturor etj. më të mirë se të tjerët, që ka bërë përparime të mëdha. Vend i përparuar.
5. Që ka arritur suksese e përfundime më të mëdha se të tjerët në zbatimin e detyrave, në plotësimin e tejkalimin e planit etj. Institucion i përparuar. Shkollë e përparuar.
6. usht. Që gjendet më afër pozicioneve të armikut, që ka përparuar më shumë në afërsi të tokave ku ndodhet armiku dhe ka mundësi të vëzhgojë lëvizjet e tij ose të luftojë drejtpërdrejt me të. Pozicione të përparuara. Pikë e përparuar.
✱Sin.: i avancuar, progresiv, modern, përparimtar, i zhvilluar, i përsosur, i përparimtar, i lulëzuar, i begatuar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë