Fjalori

Rezultate në përkufizime për “bathore”

Mëso si ta përdorësh
<<< Kthehu te kërkimi kryesor në fjalor

BATHORE

BATHÓR/E,~JAI f. sh. ~E, ~ET 1. Tokë e mbjellë me bathë, bathishtë. Bathore e porsambjellë.
2. Kërcelli i thatë i bimës së bathës, i bimës së pambukut etj.; bathishtër. Bathore pambuku. Shkul (djeg) bathoret.
3. Fasule kokërrmadhe. Bathore të shijshme.

NYJËTUAR

NYJËTÚAR (i, e)II mb. 1. Që është nyjëtuar; i lidhur nyje.
2. bot. Që ka trup cilindrik me sipërfaqe jo të rregullt, me fryrje ose gungëza, të ngjashëm me rruazat.
3. bot. Që është i pajisur me nyja, kokrriza ose me bulbe të vegjël.
4. bot. Që ka një rritje në trajtën e nyjës apo të gungëzës, të mbushur me baktere azotfiksuese në rrënjët e bimëve bathore ose bishtajore.

NYJËZ

NÝJËZ,~A f. sh. ~A, ~AT 1. min. Përqendrim i një sasie minerali në trajtë thjerrëzash të mëdha a xhepash brenda një shkëmbi me përbërje të ndryshme. Nyjëz elipsoidale. Nyjëz në trajtë vileje.
2. anat. Nyjë e vogël, afërsisht sa kokrra e bizeles.
3. bot. Një lloj fryrje në formë gunge në rrënjë e bimëve bathore ose bishtajore, ku grumbullohen baktere azotfiksuese, që shndërrojnë azotin e ajrit në përbërje ose në lëndë azotike.

PRESH

PRESH,~I m. sh. ~, ~TË bot. 1. (lat. Allium porrum) Perime e ngjashme me qepën, me kërcell të gjatë e fletë-fletë, me gjethe të lugëta e të gjata si shpatë, që mbillet në kopshte e ara dhe përdoret për ushqim. Farë (gjethe) preshi. Ngjyrë preshi ngjyrë e gjelbër e hapur. Byrek me presh. Mish (tavë) me presh. Mbjell presh. Lule preshi (bot.) bimë barishtore zbukuruese, me kërcell të lartë, me gjethe të gjata, të ngushta e me majë si shpatë, që nxjerr lule në formë vile, zakonisht të bardha, të trëndafilta ose të purpurta; shpatëz. S’jepet kalaja për presh. (fj. u.).
2. Pjesë e parë e emërtimeve të pathjeshta për disa lloje preshi: Presh i egër (lat. Muscari comosum) bimë barishtore shumëvjeçare, me kërcell të shkurtër e me gjethe si të preshit, që rritet zakonisht nëpër lëndina fushore. Presh gomari (lat. Leucojum aestivum) Bimë barishtore shumëvjeçare, me gjethe të gjata e lule të bardha në formë vile, që mbillet për zbukurim ose për vlerat mjekësore. Presh gjarpri presh i egër.
✱Sin.: pras, bathër, bathore, badër.
♦ Bën hesap me *gjethe të preshit (të prasit) (dikush) përb. Me *duar në presh. E kam presh në kopsht (dikë) iron. shih e kam lakra në kopsht (dikë) iron. E la presh në diell (dikë) e la pa gjë fare, ia mori të gjitha, i zhvati gjithçka; e la lakuriq; e la gisht; e la kalli. *Mish me presh e presh me mish. Me presh në dorë në çastin kur po vidhte ose po bënte diçka të keqe; në faj; me duar në presh; e zuri (e kapi) ndër lakra (dikë). Presh në kosh e farë ndarë iron. pa lidhje gjaku, që nuk janë farefis, pa asnjë lidhje afrie; as fare e as fis, as degë e as lis; farë në arë e presh në kosh iron.; është (bie) shtatë hostenë e një në majë (me dikë). Presh mashkull keq. djalë i pamartuar, i vetmuar, që nuk ka shoqëri me askënd; njeri pa njeri; hu pa thupra mospërf.; si baloja në verigë keq. Si presh i zier shumë i lodhur, i rraskapitur, i dërrmuar; i shkelur në dërstilë; bollë e vrarë; i rënkojnë eshtrat e trupit (dikujt). Është rritur me *bishta preshi (dikush).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë