Fjalori

Rezultate në përkufizime për “baske”

Mëso si ta përdorësh
<<< Kthehu te kërkimi kryesor në fjalor

BASK

BASK,~E mb. Që lidhet me krahinën ku jetojnë baskët ose me baskët, që është karakteristik për këtë krahinë ose për baskët, i vendit të baskëve ose i baskëve; që është krijuar nga baskët. Popullsia baske. Fshatra baske. Veshje (zakone, muzikë) baske. Letërsia baske. Shkrimtarët baskë. Gjuha baske është një ndër më të vjetrat në Europë.

BASK

BASK,~U m. sh. ~Ë, ~ËT Pjesëtar i popullsisë së lashtë baske, e cila jeton në pjesën veriperëndimore të Spanjës dhe në jugperëndim të Francës, banor vendës i kësaj krahine ose ai që e ka prejardhjen nga kjo krahinë. Vendi i baskëve. Autonomia e bashkëve. Baskët njihen për gjuhën e tyre të veçantë.

BASKE

BÁSK/E,~JA f. sh. ~E, ~ET Pjesëtare e popullsisë baske, e cila jeton në pjesën veriperëndimore të Spanjës dhe në jugperëndim të Francës, banore vendëse e kësaj krahine ose ajo që e ka prejardhjen nga kjo krahinë. Basket janë valltare të shquara.

BASKISHT

BASKÍSHT ndajf. Në gjuhën baske. Flet baskisht.

BILBAIN

BILBAÍN,~E mb. Që lidhet me qytetin e Bilbaos (Spanjë) ose me bilbainët, që është karakteristik për Bilbaon a për bilbainët, i Bilbaos ose i bilbainëve; që është krijuar nga bilbainët. Ndërtesat tradicionale bilbaine. Rrugicat e ngushta bilbaine. Identiteti bilbain i kulturës baske.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë