Fjalori

Rezultate në përkufizime për “bashkëpunues”

Mëso si ta përdorësh
<<< Kthehu te kërkimi kryesor në fjalor

ALEAT

ALEÁT,~I m. sh. ~Ë, ~ËT libr. 1. Anëtar i një aleance; besëlidhës. Aleat i madh (i sigurt). Aleatët nuk u morën vesh.
2. Ai që lidhet e bashkërendon veprimet me një tjetër për qëllime të njëjta; përkrahës aktiv i dikujt. Aleat besnik (i ngushtë). Aleat i përkohshëm. Bëhem aleat me dikë. Gjej (bëj) aleatë. U takuan me aleatët. Aleatët ndërkombëtarë.
✱Sin.: besëlidhës, besëtar, besatar, bashkëpunëtor, bashkëpunues, bashkëluftues, mbështetës, përkrahës, ndihmues, partner, mik, besnik.

ALEAT

ALEÁT,~E mb., libr. 1. Që bën pjesë në një aleancë, që është anëtar i një aleancë; që u përket aleatëve. Vende (shtete, fuqi) aleate. Ushtritë aleate. Fuqitë aleate. Forcat aleate fituan betejën.
2. Që lidhet e bashkërendon veprimet me një tjetër për qëllime të njëjta, që bashkëpunon ngushtë me një tjetër dhe e përkrah atë. Bashkëpunëtor aleat. Shtetet aleate nënshkruan marrëveshjen e bashkëpunimit.
✱Sin.: besëlidhës, besëtar, besatar bashkëluftues, bashkëpunues.

BASHKATAR

BASHKATÁR,~I m. sh. ~Ë, ~ËT vjet. Ortak në një punë a diku tjetër, bashkëpunues, bashkëpunëtor. Bashkatarë në dyqan.

BASHKËPUNUES

BASHKËPUNÚES,~E mb. 1. Që është i lidhur ngushtë e punon bashkë me dikë tjetër a me të tjerë për të bërë diçka. Kapucari është bashkëpunues me fajtorin. (fj. u.).
2. Që ka frymën e bashkëpunimit, që karakterizohet nga kjo cilësi. Nxënës shumë bashkëpunues. Të rinj bashkëpunues.
3. Që ndikon a që ndihmon në një veprimtari të përbashkët. Vullnet bashkëpunues. Qëndrime bashkëpunuese.
4. si em. m. e f. Sipas kuptimeve të mbiemrit. Bashkëpunuesit e ekipit tonë. Bashkëpunues të përkushtuar.

JOBASHKËPUNUES

JOBASHKËPUNÚES,~E mb. Që nuk është bashkëpunues; kund. bashkëpunues. Person jobashkëpunues me kolektivin.

PËRPLASËS

PËRPLÁSËS,~E mb. Që përplaset me dikë a me diçka tjetër. Absurditet përplasës. Është përplasës me kolegët (me shokët, me të tjerët). Takimi ishte bashkëpunues dhe jo përplasës.

SYEGËR

SYÉGËR mb. Që është me sy që shprehin egërsi. Dukej syegër, por ishte bashkëpunues. Sfidat e kishin bërë djalë syegër.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë