Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
AGJÉNT/E,~JA f. sh. ~E, ~ET 1. Përgjegjëse i një agjencie; përfaqësuese e një institucioni a e një ndërmarrjeje, e ngarkuar me një detyrë të caktuar në degët që varen prej tyre. Agjente sekrete. Agjente e shitjes. Agjente turistike.
2. Pjesëtare ose bashkëpunëtore e fshehtë e organeve të zbulimit të një shteti ose e organeve policore të tij; spiune. Agjente e rrezikshme.
3. keq. Ajo që është në shërbim të veprimtarisë politike, ekonomike, ushtarake etj. ose në shërbim të interesave të dikujt. Agjente e paguar.
ALEÁT/E,~JA f. sh. ~E, ~ET libr. 1. Anëtare e një aleance; besëlidhëse. Aleate parimore. Marrëveshje me aleaten. Aleate e Shqipërisë (e Kosovës).
2. Ajo që lidhet e bashkërendon veprimet me një tjetër për qëllime të njëjta; përkrahëse aktive e dikujt. Aleate besnike (e ngushtë). Aleate serioze. Nënshkroi marrëveshjen me aleaten. Aleate lufte.
✱Sin.: besëlidhëse, besëtare, besatare, bashkëpunëtore, bashkëpunuese, mbështetëse, bashkëluftuese, përkrahëse, ndihmuese, partnere, mike, besnike.
BASHKËPUNËTÓR/E,~JA f. sh. ~E, ~ET 1. Ajo që kryen një veprimtari a një punë të përbashkët me një tjetër, ajo që bashkëpunon me të tjerë për të kryer një punë; ajo që bashkëpunon me një tjetër dhe ndan fitimet a përfitimet me të; ortake. Bashkëpunëtore e ngushtë. Bashkëpunëtorja më e afërt.
2. Ajo që bashkëpunon në një gazetë a në një revistë me një institucion shkencor, kulturor etj., duke dërguar shkrime, studime e materiale të tjera. Bashkëpunëtore e rregullt. Bashkëpunëtore e radios.
LAJMDHË́NËS/E,~JA f. sh. ~E, ~ET 1. Punonjëse a bashkëpunëtore e një agjencie telegrafike, e një gazete, e radios, e televizionit, e portaleve elektronike ose e një organi tjetër, e cila dërgon lajme e artikuj nga vendi ku ndodhet; korrespondente. Foli në telefon me lajmdhënësen.
2. Ajo që jep lajmet në radio, në televizion, internet, folëse e radios a e televizionit. Lajmdhënësja dukej e shqetësuar, ngjarja që kishte ndodhur ishte e rëndë, edhe dhënia e lajmit e tillë ishte.
✱Sin.: folëse, informuese, gazetare.
ORTÁK/E,~JA f. sh. ~E, ~ET vjet. 1. Shemër.
2. Ajo që punon bashkë me një tjetër a të tjerë dhe i ndajnë fitimet bashkë, bashkëpunëtore në një punë; pjesëtare me të drejta të barabarta në diçka. Ortake me gjysmën e aksioneve të kompanisë.
3. krahin. Bashkëshorte.
4. fig., keq. Bashkëpunëtore në një punë të keqe a në një veprimtari të dëmshme. I përfshirë në trafikun e drogës së bashku me ortaken e tij.
✱ Sin.: shemër, pjesëtare, bashkëpunëtore, bashkëshorte.
SHÓQ/E,~JA f. sh. ~E, ~ET 1. Vajzë a grua me të cilën kemi marrëdhënie të afërta. Shoqe e mirë (besnike). Shoqe të vjetra (të ngushta). Shoqe pune (shkolle). Shoqja e bankës (e klasës, e dhomës). Shoqe me përgjegjësi. Shoqja drejtoreshë (mësuese, mjeke)! Puna vetëmohuese e shoqeve tona. Në byro u zgjodhën tri shoqe. S’i gjendet shoqja. S'ka shoqe në botë.
2. Bashkëshorte. Ku punon jot shoqe? I ka bërë ime shoqe. Mori letër nga e shoqja. Ia tregoi së shoqes.
3. Grua a vajzë femër. Ngritja e shoqeve në përgjegjësi. U zgjodhën më shumë shoqe në organet drejtuese.
✱Sin.: bashkëshorte, grua, nuse, femër; bashkëluftëtare, bashkënxënëse, bashkëstudente, bashkëpunëtore, bashkudhëtare; mike, jarane, gruaja.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë