Fjalori

Rezultate në përkufizime për “bashkëngjitur”

Mëso si ta përdorësh
<<< Kthehu te kërkimi kryesor në fjalor

ANEKSUAR

ANEKSÚAR (i, e) mb. 1. Që është pushtuar dhe bashkuar me dhunë me një vend tjetër (për krahina, territore, toka etj.). Shtet i aneksuar. Ishull i aneksuar. Zonë e aneksuar.
2. Që i është shtuar diçkaje si aneks, si shtojcë. Tokë e aneksuar.
✱Sin.: i ngjitur, i shtuar, i bashkëngjitur, i bashkuar, i pushtuar.

BASHKËLIDHUR

BASHKËLÍDHUR (i, e) mb., libr. 1. Që është i lidhur në mënyrë të dyanshme me diçka tjetër; që ka lidhje të ngushtë me diçka tjetër. Dokumente të bashkëlidhura. Fjalë (fjali) të bashkëlidhura (gjuh.).
2. zyrt. I bashkëngjitur. Dokument i bashkëlidhur. Shtojcë e bashkëlidhur. Të dhëna të bashkëlidhura.

BASHKËLIDHUR

BASHKËLÍDHUR ndajf., zyrt. Lidhur së bashku, bashkëngjitur. Bashkëlidhur me shkresën përcjellëse. Bashkëlidhur po ju dërgoj...

BASHKËNGJITUR

BASHKËNGJÍTUR (i, e) mb. 1. zyrt. Që është lidhur me një shkresë a me një dokument tjetër kryesor, që i shtohet një shkrese a një dokumenti tjetër kryesor; i bashkëlidhur. Shkresa e bashkëngjitur. Formular i bashkëngjitur.
2. gjuh. I përngjitur. Fjalë e bashkëngjitur.

BASHKËNGJITUR

BASHKËNGJÍTUR mb., zyrt. Që është lidhur së bashku me diçka tjetër. Shih përgjigjen bashkëngjitur. Kërko dokumentin bashkëngjitur.

BASHKËNGJITUR

BASHKËNGJÍTUR ndajf., zyrt. Lidhur së bashku me një shkresë a me një dokument tjetër kryesor, ngjitur si shtojcë e një shkrese a e një dokumenti tjetër kryesor; bashkëlidhur. Bashkëngjitur ju dërgojmë... Bashkëngjitur keni përgjigjen tonë.

PËRNGJITUR

PËRNGJÍTUR (i, e) mb., gjuh. I përbërë prej dy a më shumë fjalësh të bashkuara në një fjalë të vetme, i formuar me anë të përngjitjes. Fjalë të përngjitura. Ndajfolje (lidhëz) e përngjitur. Numëror i përngjitur.
✱Sin.: i ngjitur, i bashkëngjitur, i pranëvënë, i përngjizur, i përbërë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë