Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
BASHKATDHETÁR mb. 1. Që ka të njëjtin atdhe me një tjetër a me të tjerë, bashkëkombës. Jemi bashkatdhetarë.
2. si em. m. e f. Sipas kuptimit të mbiemrit. Bashkatdhetarët e mi. Dëshirat e bashkatdhetarëve. Tubimi i bashkatdhetareve. Bashkatdhetarët kanë ndihmuar për rindërtimin e shkollave në vendlindje.
✱Sin.: bashkëkombës, bashkëvendës, njëkombës, njëgjakës, patriot, bashkëpatriot.
BASHKËKÓMBËS,~E mb. 1. I të njëjtit komb me një tjetër a me të tjerë, bashkatdhetar. Shoku im bashkëkombës.
2. si em. m. e f. Sipas kuptimit të mbiemrit. Bashkëkombës shqiptarë. Letra nga bashkëkombësit. Në konferencë morën pjesë shumë bashkëkombës.
NJËKÓMBËS,~I m. sh. ~, ~IT vjet. Ai që ka të njëjtin komb me dikë tjetër, bashkëkombës, bashkatdhetar. Njëkombësit tanë.
TJETËRKÓMBËS,~I m. sh. ~, ~IT Ai që i përket një kombi tjetër; ardhës, i huaj. Bashkëkombës e tjetërkombës kishin mbushur sheshin për të ndjekur recitalin e artistit të madh.
VËLLÁ,~I m. sh. VËLLÉZËR, VËLLÉZËRIT 1. Djali kundrejt fëmijëve të tjerë që kanë prindër të njëjtë. E kam vëlla. Jemi vëllezër. Vëllai i madh (i vogël). Vëllai im. I vëllai vëllai i tij (i saj). Vëlla e motër. Duhen si vëllezër e shkuar vëllezërve. Vëllai për vëllanë. (fj. u.). vëllezërit duhet ta ndihmojnë kurdoherë njëri-tjetrin.
2. Pjesa e parë e emërtimeve të pathjeshta për vëllezër të ndryshëm. Vëlla prej babait (prej nënës) djali kundrejt fëmijëve të tjerë nga baba (ose nga nënë) tjetër. Vëlla i gjetur vëlla vetëm nga nëna ose vetëm nga babai. Vëlla qumështi djali kundrejt fëmijëve të një familjeje tjetër, nëna e të cilëve i ka dhënë gji. Vëlla gjaku dy shokët e ngushtë që pinë nga një pikë gjak prej njëri-tjetrit. Vëlla shpirti vëllam. Vëlla i shpifur vëlla prej nëne, të cilin e ka me burrë të dytë. Vëlla me hajmali vëllam. Vëlla në katund (etnogr.) familje e një katundi që vjen e ngulet në një katund tjetër me pëlqimin e tyre. Vëlla trojesh (etnogr.) ai që nuk ka lidhje gjaku me ata që ka kufitarë tokash, por që është vendosur aty me pëlqimin e tyre.
3. etnogr. Vëllam, probatin. E kishte bërë vëlla. Ishin bërë vëllezër.
4. Ai që është i një gjaku a i një fisi me dikë tjetër, ai që është i së njëjtës kombësi a i të njëjtit komb me një tjetër, bashkëkombës. Vëllezër të një gjaku. Vëllezërit tanë jashtë kufijve. Jemi vëllezër shqiptarë.
5. Ai me të cilin na lidhin kushtet shoqërore e qëllimet e përbashkëta; shok mendimi e ideje; shok lufte; shok a mik shumë i ngushtë. Vëllezër armësh. Jemi vëllezër. E kam vëlla e shkuar vëllait e kam shok e mik shumë të dashur, si vëlla e më të afërm se vëllain.
6. Përdoret për t'iu drejtuar me ngrohtësi, në mënyrë familjare e miqësore një burri, një djali ose një të riu. Eja ti vëllai im! Që thua ti, vëlla i dashur... More vëlla! Ç'të të them, more vëlla!
7. bot., kryes. sh. Filiz bime që del e rritet njëkohësisht nga e njëjta rrënje; këlysh; binjak; kopil; vet. sh. disa kallinj misri të ngjitur së bashku. Bimë me shumë vëllezër. Ka nxjerrë vëllezër. Kanë dalë vëllezër. Bimë me shumë vëllezër. Ka nxjerrë vëllezër. Kanë dalë vëllezër.
✱Sin.: byrazer, bacë, lalë, apë, vëllath, vëllam, bashkatdhetar; këlysh, lastar, binjak, kopil.
♦ (Janë) *motër e vëlla. Sikur edhe vëllai të më lindë! kurrë, çfarëdo që të ndodhë, edhe sikur të më vijë diçka shumë mirë (për diçka që s’dua ta bëj); edhe sikur nëna të më ngjallet! Vëllezër (binjakë) siamezë libr. njerëz shumë të ngjashëm në pamje, në mendime, në sjellje e në shije; njerëz të lidhur fort, që nuk ndahen kurrë.
VËLLÉZËR mb. 1. Që janë të një gjaku a të një fisi, që janë i së njëjtës kombësi a i të njëjtit komb, bashkëkombës. Bashkëkombës vëllezër. Bashkatdhetarë vëllezër. Malësorë vëllezër. Dukagjinas vëllezër. Çamë vëllezër. Shkodranë vëllezër. Labë vëllezër. Vlonjatë vëllezër.
2. Që i lidhin marrëdhënie shoqërore e qëllime të përbashkëta me shokë mendimi e ideje; me shokë lufte; me shokë a miq shumë të ngushtë etj. Popuj vëllezër. Vende vëllezër.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë