Fjalori

Rezultate në përkufizime për “barrëtor”

Mëso si ta përdorësh
<<< Kthehu te kërkimi kryesor në fjalor

BARRËTAR

BARRËTÁR,~I m. sh. ~Ë, ~ËT 1. Barrëtor. Ndihmuan barrëtarët.
2. Ngarkesë me rreth njëzet e pesë kilogramë për kafshë barre. Bleva pesë barrëtarë drithë.

BARRËTOR

BARRËTÓR,~E mb. 1. Që mbart një barrë a një ngarkesë në kurriz. U nisën pas kuajve barrëtorë.
2. fig. Që është përgjegjës për diçka. Barrëtor i botimit të veprave në dorëshkrim.

BARRËTOR

BARRËTÓR,~I m. sh. ~Ë, ~ËT 1. Ai që mbart një barrë a një ngarkesë në kurriz; hamall, bartës, mbartës, barrëtar. Barrëtor skele. Jastëk që e vënë barrëtorët në kurriz. Krahë barrëtori.
2. Ai që çon kafshët e ngarkuara me drithë për të bluar në mulli; qiraxhi i karvanit. Po na vjen barrëtor i ri, / Na sjell grurin si flori, / Thuaja këngës, mullixhi. (folk.).
3. Përgjegjës për diçka, ai që është i detyruar të japë llogari për diçka që ka ndodhur; fajtor. Barrëtori i dasmës. Barrëtor për këtë jam unë.

HAMALL

HAM/ÁLL,~I m. sh. ~ÉJ, ~ÉJTË dhe ~AJ, ~AJTË bised. Punëtor që mbart, ngarkon a shkarkon një mall zakonisht me krahë; punëtor ngarkimi e shkarkimi, bartës. Hamejtë e skelës (e portit). Barra e hamallit. Punonte si hamall.
✱Sin.: bartës, mbartës, barrëtor.

MBARTËS

MBÁRTËS,~I m. sh. ~, ~IT 1. Njeriu që mbart diçka me krahë; punëtor që mbart plaçka ose mallra, hamall, barrëtor. Mbartës qymyri.
2. Mjet, makinë ose çdo mjet tjetër që shërben për të mbartur diçka. Ky mbartës peshash do të mbartë ngarkesa deri në 160 tonë.
3. Ai që është krijues dhe mbajtës i diçkaje; ai që ka në vetvete diçka; ai që shërben si përçues ose si ndërmjetës për mbartjen e diçkaje. Mbartësi i sëmundjes. Mbartës mikrobesh. Mbartës i kulturës (i gjuhës). Mjedisi fshatar shihet ende si mbartës i një mënyre të jetesës që po zhduket.
4. drejt. Ai që ka pronësinë ose titullin ligjor të diçkaje. Mbartësi i aksioneve do të jetë shteti.
5. kompj. Softuer ose kod që mund funksionojë në dy a më shumë lloje kompjuterash me dy a më shumë lloje sistemesh operative.
✱Sin.: hamall, barrëtor.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë