Fjalori

Rezultate në përkufizime për “barkngopur”

Mëso si ta përdorësh
<<< Kthehu te kërkimi kryesor në fjalor

BARKMBUSHUR

BARKMBÚSHUR mb. 1. I ngopur, barkplot, barkngopur; kund. barkzbrazur. Ishte barkmbushur.
2. fig. I pasur, i kamur; që të peshon me flori.
3. si em. m. e f. Sipas kuptimeve të mbiemrit. Barkmbushuri s'i beson barkzbrazurit. (fj. u.). Barkmbushuri s’e kujton barkzbrazurin. (fj. u.).

BARKNGIMË

BARKNGÍMË,~E mb. Barkngopur.

BARKNGINJUR

BARKNGÍNJUR mb. 1. Barkngopur. Edhe kuleçtë pa cimbidhur, edhe baloja barknginjur. (fj. u.).
2. si em. m. e f. Sipas kuptimit të mbiemrit. Barknginjuri s’ia di barkuntit. (fj. u.).

BARKNGOPUR

BARKNGÓPUR mb. 1. Që ka ngrënë shumë, që e ka barkun të ngopur; barkplot; kund. barkbosh, barkzbrazur, barkzgropur. Fëmijë barkngopur.
2. I pasur, i kamur; që ka mall e gjë, bletë e vulosur.
3. si em. m. e f. Sipas kuptimeve të mbiemrit. Sa t'i bjerë ndërmend barkngopurit, i ka dalë shpirti barkzgropurit. (fj. u.). S'pyet barkngopuri për barkzgropurin. (fj. u.).

BARKPANGOPUR

BARKPANGÓPUR mb. 1. Që nuk e ka ngopur barkun kurrë me bukë, që nuk ka pasur për të ngrënë sa duhet; i pangopur, i uritur; i varfër, varfanjak; kund. barkngopur. Barkpangopur e shkoi jetën.
2. Që nuk ngopet së ngrëni, që nuk ndien të ngopur, i pangopshëm, hamës i madh; barkshpuar, barkthes, barklubi.
3. si em. m. e f. Sipas kuptimeve të mbiemrit.

BARKZBRAZUR

BARKZBRÁZUR mb. 1. Që e ka barkun të zbrazët; që nuk ka ngrënë asgjë, i uritur, i pangrënë; barkbosh; kund. barkplot, barkngopur, barkmbushur. Barkzbrazur e brekëçjerrë. Mbeti barkzbrazur.
2. si em. m. e f. Sipas kuptimit të mbiemrit.

BARKZGROPUR

BARKZGRÓPUR mb., bised. 1. Barkzbrazur; kund. barkmbushur, barkngopur.
2. si em. m. e f. Sipas kuptimit të mbiemrit. Barkngrohti s’ia di për barkzgropurin. (fj. u.).

BUZËNJOMUR

BUZËNJÓMUR mb. I ngrënë e i pirë, barkngopur, buzënjomë.

PASUR

PÁSUR (i, e) mb. 1. Që ka shumë gjë e mall dhe para, që ka trashëguar a që ka vënë pasuri të madhe; kund. i varfër. Njeri i pasur. Familje e pasur. U bë i pasur.
2. Që ka me shumicë të mira materiale e prodhime, i begatshëm. Vend i pasur.
3. Që e ka diçka me shumicë, që është plot me diçka të dobishme a të vlefshme; që është në sasi të madhe; kund. i varfër. Ushqim i pasur. Mineral i pasur. Bibliotekë e pasur. Bimësi e pasur.
4. fig. Që ka larmi të elementeve përbërëse, që ka vlera të shumanshme, që ka shumë elemente me vlerë, me rëndësi etj.; kund. i varfër. Gjuhë e pasur. Fantazi e pasur. Tablo e pasur. Program i pasur artistik. Jetë e pasur. Ka përvojë të pasur.
✱Sin.: pasanik, pasunar, i kamur, kamës, i gjëshëm, i madh, paralli, paremadh, pareshumtë, zengjin, reshper, i begatshëm, begator, i begatë, barkplot, barkmbushur, barkngopur, barknginjur, barkplot, xhepfryrë, i majmë, i dhjamur, qesemadh, i leshtë, mbretëror, i kapur, buqar, i gjëshëm, i zënë, zotëri, aga, afendiko, i bollshëm, i larmishëm, i buhishëm, i gjithfarëllojshëm, gjithfarësh, i shumëllojshëm.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë