Fjalori

Rezultate në përkufizime për “barelë”

Mëso si ta përdorësh
<<< Kthehu te kërkimi kryesor në fjalor

BARELË

BARÉL/Ë,~A f. sh. ~A, ~AT Shtrat me shtrojë prej pëlhure të fortë me dy drurë anash a me këmbëza me rrota, që përdoret për të mbartur të sëmurët ose të plagosurit; vig. Barelë me rrota. E sollën me barelë. E vunë në barelë. Përdornin barelën.
✱Sin.: vig, tezgë, vishë, trinë, lesë, shkalc, çatalle, shul, tabut, tezgjere.

TELIGË

TELÍG/Ë,~A f. sh. ~A, ~AT 1. Barelë, shkalc, vig. Të plagosurin e çuan në spital me teligë. E vunë në teligë.
2. Arkëmort, arkivol, qivur, tabut. Të mbajtshin në teligë! (nëmë). Të qitshin në teligë! (nëmë). E sjellshin në (me) teligë! (nëmë).
3. Tevlik, kular. I vuri teligën kaut.
✱Sin.: barelë, çatalle, shkalc, shul, tezgë, tezgjere, vig, arkëmort, arkivol, qivur, tabut.

VIG

VI/G,~GUIII m. sh. ~GJE, ~GJET Shtrat, zakonisht prej druri, dërrase a i thurur me thupra, për të mbartur me krahë një të plagosur a një të sëmurë; për ta çuar të vdekurin në varreza ose për të mbartur diçka tjetër; tezgë. E çuan me vig. Vig druri. Vig i thurur me thupra. Të pafsha në vig (mallk.)! vdeksh! E shpien plehun në arë me vig.
✱Sin.: barelë, tezgë, lesë.
♦ Iu bë *urë (evig) (dikujt). U bë për vig (dikush). 1. Është ligur e është dobësuar shumë nga sëmundja sa s’ecën dot me këmbët e veta. 2. Është i sëmurë rëndë, është në prag të vdekjes; është me një këmbë në varr. E bëri për vig (dikë) e rrahu fort, sa të mos ecë dot me këmbët e veta; e bëri për lesë.

VIQ

VIQ,~TË m. vet. sh. Shtrat për të bartur të plagosurin a të vdekurin, vig, barelë. E vunë në viq. I kapën viqtë. E barten me viq. Të pafsha në viq vdeksh (mallk.)!
✱Sin.: vig, barelë.

VISHË

VÍSH/Ë,~A f. sh. ~A, ~AT Vig, barelë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë