Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
BAJÁT,~E mb., bised. 1. Që është prodhuar ose është vjelë me kohë dhe ka humbur shijen, freskinë dhe cilësitë e tjera të mira; i ndenjur, i ndiçëm; kund. i freskët; i proshkët. Pemë (perime) bajate. Bukë bajate. Mish bajat. Gjellë bajate. Ushqime gjysmë bajate. U bë bajat. Kur vjetrohet buka bëhet bajate.
2. fig., keq. Që i ka dalë boja, i vjetruar; që ka humbur vlerën nga përdorimi i tepruar dhe është bërë i mërzitshëm nga përsëritja e shpeshtë e pa vend, banal. Refren bajat. Arsyetime (argumente) bajate. Shpifje (akuza) bajate. Shaka (narrativa, deklarime) bajate. Demagogji (propagandë) bajate. Këngë (muzikë) bajate. Mitingje bajate. U bë bajat. Fjalime (diskutime) plot me slogane e ide bajate.
3. mospërf. Që e ka humbur nderin e respektin; që nuk i ka më vlerat e dikurshme. Njeri bajat. Mania për të krijuar personazhe bajate në letërsi.
✱Sin.: i bajatosur, i pashije, i bujtur, i përbujtur, i ndiçëm, i ndenjur, i motuar, i mëllënkshur, i hupët, i pakripë, i dalëboje, i vjetruar.
♦ U bë bajat (dikush) shih i doli boja (dikujt).
BAJÁTSHËM (i), ~ME (e) mb. 1. Që të bën me turp, që të nxin faqen; i turpshëm, banal. Anekdota të bajatshme. Fjalë e bajatshme.
2. Që nuk pëlqehet, i pakëndshëm, i papëlqyeshëm, i pahijshëm. Përshkrim i bajatshëm. Erë e bajatshme.
✱Sin.: i turpshëm, banal, skandaloz, i dhunshëm, i pakëndshëm, i papëlqyeshëm, i pahijshëm, i athët.
BANÁL,~E mb. 1. Që ka humbur forcën shprehëse për shkak të përsëritjes së shpeshtë, që është bërë bajat e pa shije; tepër i përdorur dhe i njohur prej të gjithëve; i pakripë, i dalëboje. Mendime (thënie, bisedë) banale. Krahasim banal. Është bërë banal. Ngjarje (skenë) banale. Zhargon banal. Në mënyrë banale.
2. keq. I pahijshëm, i ndyrë, i turpshëm (për fjalët etj.); që përdor fjalë të ndyra e sillet në mënyrë të shëmtuar. Fjalë (shprehje) banale. Shaka (anekdotë) banale. Sharje (shpifje) nga më banalet. Batuta (nofka) banale.
3. Që nuk ka ideale të larta; që ka shije të ulët. Njeri banal.
✱Sin.: bajat, i pakripë, i dalëboje, i pahijshëm, i ndyrë, i turpshëm.
BANALITÉT,~I m. sh. ~E, ~ET libr. 1. vet. nj. Të qenët banal, cilësia e asaj që është banale. Bie në banalitet. Larg (jashtë) banalitetit. Banalitet i dekorit. Zbut banalitetin.
2. Diçka banale, ajo që është banale (ide, mendim etj.); fjalë ose shprehje banale. Banalitetet e kohës. Thotë banalitete. Nuk duron banalitete të tilla.
BANALIZÍM,~I m. sh. ~E, ~ET 1. Veprimi kur banalizoj diçka; humbja e vlerës së diçkaje duke e përsëritur jashtë mase, bërja banal; thjeshtëzim i tepruar; vulgarizim. Banalizimi i idesë. Banalizimi i bisedës. Lufta kundër banalizimeve. Për të mos rënë në banalizim.
2. Gjendja kur banalizohet diçka; heqja e idealeve a e synimeve të larta që ka dikush a diçka, paraqitja e diçkaje si e ulët, ulje. Banalizimi i luftës. Banalizimi i idealeve (i qëllimeve, i synimeve).
►BANALIZ/ÓHET jovep., ~ÚA (u), ~ÚAR vet. v. III 1. vetv. Bëhet banal, humbet vlerat që ka, vulgarizohet. Nuk banalizohet ideja në këtë shkallë.
2. pës. e BANALIZÓJ.
BANALIZ/ÓJ vep., ~ÓVA, ~ÚAR kal. 1. Ia humbas vlerën diçkaje, duke e përsëritur jashtë mase, e bëj banal. - Të mos e banalizojmë çështjen. Nuk synon të banalizojë asgjë.
2. I heq idealet a synimet e larta, e paraqit si diçka të ulët, e ul. Banalizoi një teori (një ide). Ka banalizuar shenjtërinë e botimit. Poezia lë shijen, të cilën komenti mund ta banalizojë. Këtë shembull e ka banalizuar duke e thjeshtuar.
BANALIZÚAR (i, e) mb. Që është bërë banal, që nuk ka më vlerat e mëparshme. Qëndrim i banalizuar. Ngjarje e banalizuar. Debat i banalizuar. Ky është shumë i banalizuar si argument.
KONFLÍKT,~I m. sh. ~E, ~ET 1. edhe drejt. Mosmarrëveshje e thellë ndërmjet dy njerëzve, dy shteteve, dy palëve etj., që shkon deri në përdorimin e armëve. Konflikt interesi. Konflikt familjar (ushtarak, i armatosur). Konflikt i rastit (banal). Vatër konfliktesh. Zgjidhja e konfliktit. Ashpërsohet (acarohet) konflikti.
2. filoz. Sipas filozofisë marksiste: një ndër llojet e kontradiktave antagoniste, kur konflikti zgjidhet vetëm me luftë.
TALLAVÁ mb. pandr. 1. Që ka të bëjë me muzikën tallava, që lidhet me këtë muzikë. Muzikë tallava.
2. keq. Që nuk është i cilësisë së duhur ose që nuk është në lartësinë e duhur. Debat tallava debat i zhurmshëm, i çrregullt si muhabet kafenesh. Politikë tallava politikë jolargpamëse. Lajm tallava lajm i parëndësishëm. Nivel tallava nivel i ulët. Muhabet tallava muhabet për të shtyrë kohën, muhabet banal.
TÚRPSH/ËM (i), ~ME (e) mb. 1. Që turbullohet e hutohet shpejt nga diçka e pahijshme a e pandershme, që turpërohet shumë; që druan shumë përpara të tjerëve, që ka turp, që nuk ka guxim, i druajtur; që shpreh turp, shumë i përmbajtur, që skuqet para të tjerëve. Djalë i turpshëm. Vajzë e turpshme. Fëmijë të turpshëm. Vështrim i turpshëm.
2. Që është i ulët dhe i pandershëm, që të ngjall përbuzje, që është në kundërshtim me moralin dhe me normat e shoqërisë; që të bën me turp, që të nxin faqen; që është për turp, që mbaron me turp. Falë të turpshme. Punë të turpshme. Sjellje e turpshme. Tërheqje e turpshme. Vdekje e turpshme. Njollë e turpshme. Punë e turpshme. Veprim i turpshëm.
✱Sin.: i druajtur, i ndrojtur, i marrshëm, i përmarrshëm, i mbyllur, i ndrydhur, ballëfshehur, cipëhollë, i skuqur, i dhunshëm, skandaloz, banal, i pahijshëm, i neveritshëm, poshtërues, fyes, dhunues.
ZHARGÓN,~I m. sh. ~E, ~ET gjuh. E folme e një shtrese të ngushtë shoqërore ose e një grupi njerëzish të një profesioni, e cila ka shumë fjalë e shprehje të veçanta, profesionale ose të huaja, të panjohura a të krijuara posaçërisht etj. dhe nuk kuptohet lehtë ose nuk kuptohet fare nga shtresat e tjera shoqërore. Zhargon profesional (politik). Zhargon banal. Zhargoni i internetit. Zhargoni i oborrit mbretëror (i aristokracisë). Fjalor i zhargoneve. Zhargoni i mjekëve (i piktorëve, i bojaxhinjve). Zhargon studentor. Ky lloj zhargoni përdoret gjerësisht. Ato se ç’folën në zhargonin e tyre. Këto shprehje bëhen pjesë e zakonit të përditshëm.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë