Fjalori

Rezultate në përkufizime për “ballëkrenar”

Mëso si ta përdorësh
<<< Kthehu te kërkimi kryesor në fjalor

BALLËKRENAR

BALLËKRENÁR,~E mb., poet. 1. Që e mban ballin lart; që mbron me këmbëngulje nderin e dinjitetin e vet; krenar, ballëçelur, kryelartë. Kjo e bëri ballëkrenar.
2. fig. Që nuk thyhet para kërcënimeve të dikujt, para vështirësive etj., i paepshëm, i pathyeshëm, i papërkulur. Luftëtarë ballëkrenarë. Nënë ballëkrenare.
✱Sin.: krenar, ballëçelur, ballëlartë, kryelartë, ngadhënjimtar, qëndresëtar, i paepur, i pamposhtur, i pathyeshëm, i papërkulur, i pagjunjëzuar.

BALLËKRENAR

BALLËKRENÁR ndajf., poet. Me krenari, krenarisht, ballëlart, pa iu trembur syri; kund. kokulur, ballulur. Rri ballëkrenar. Qëndroi ballëkrenar. - Shko përpara ballëkrenar!

BALLËLART

BALLËLÁRT ndajf. Duke qenë krenar për punën e kryer, me ballin lart, ballëkrenar; pa u përkulur para vështirësive, ballëhapur. Qëndron ballëlart. U kthyen ballëlart. Shkojnë ballëlart. E përballoi provën ballëlart.
✱Sin.: ballëhapur, ballëkrenar, krenar, krenarisht.

BALLËLARTË

BALLËLÁRTË mb. 1. Ballëgjerë. Burrë ballëlartë.
2. I papërkulur, i pathyeshëm, që u qëndron me guxim vështirësive. Grua ballëlartë dhe e papërkulur.
3. Që kënaqet me të drejtë për cilësitë e mira dhe për arritjet; që është krenar për punën e kryer; ngadhënjimtar, ballëkrenar.
4. si em. m. e f. Sipas kuptimeve të mbiemrit.

BALLËNGRITUR

BALLËNGRÍTUR mb. 1. Ballëkrenar.
2. fig. I guximshëm e i papërkulur, që nuk thyhet para askujt; i paepur, qëndresëtar.
3. fig., përçm. Mendjemadh, bishtpërpjetë; që shet mend, që e mban hundën përpjetë.
4. si em. m. e f. Sipas kuptimeve të mbiemrit.

BALLËPËRPJETË

BALLËPËRPJÉTË mb., fig. 1. Krenar, ballëlartë; i papërkulur, qëndresëtar, ballëkrenar. Kokulur e ballëpërpjetë.
2. keq. Mendjemadh, ballëngritur, që e mban hundën përpjetë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë