Fjalori

Rezultate në përkufizime për “bajonetë”

Mëso si ta përdorësh
<<< Kthehu te kërkimi kryesor në fjalor

BAJONETË

BAJONÉT/Ë ~A f. sh. ~A, ~AT 1. Armë e bardhë si thikë që mbërthehet te gryka e tytës së pushkës a të automatikut ose që e mban ushtari në brez; vjet. syngji. Bajonetë thikë (shtizë). Maja e bajonetës. Goditje (sulm) me bajonetë. Pushkë me bajonetë. Mur bajonetash. Plagë bajonete. Mbërthej (hap, përkul, mbyll) bajonetën. Shpoi me bajonetë. I shkoi në bajonetë.
2. Ushtar i këmbësorisë (si njësi numërimi). Detashment me një mijë bajoneta.
3. fig. Forcë ushtarake, dhunë e armatosur. E detyroi me bajonetë.
4. ndërt. Gozhdë muri petake që përdoret për të mbërthyer kornizat e dritareve dhe kasat e dyerve. Bajonetë dyersh (dritaresh). Ngul bajonetën. Mbërthej me bajonetë.
♦ Me *forcën e bajonetës (e armëve).

CFUNGJI

CFUNGJÍ,~A f. sh. ~, ~TË vjet. Syngji; bajonetë, kacaturë. Ushtarët turq bënin luftë me cfungji. Atëherë e kishin zakon që kokat t’i vinin në cfungji.

KACATURRË

KACATÚRR/Ë,~A f. sh. ~A, ~AT 1. vjet. Lloj arme e ftohtë që mbahej në brez; thikë e mprehtë me dy tehe; kamë.
2. Bajonetë.
✱Sin.: kamë, bajonetë.

SFUNGJI

SFUNGJÍ,~A f. sh. ~, ~TË hist. Bajonetë. Foshnja, gra, burra, e djem i shkuan në sfungji. Me sfungji do të grihemi, për vatan, për Shqipëri.

SINGI

SINGÍ,~A f. sh. ~, ~TË vjet., usht. Bajonetë; syngji. Në rini të tij kishte luftuar me singi. Dinte t’i riparonte singitë. Disa singi të vjetra vareshin në murin e dhomës.

SYNGJI

SYNGJÍ,~A f. sh. ~, ~TË vjet. Bajonetë. Një syngji e vjetër ishte në muze. Ushtari me syngji.

VAINETË

VAINÉT/Ë,~A f. sh. ~A ~AT Bajonetë. Mori vainetën.

XHIGER

XHIGÉR,~I m. sh. ~Ë, ~ËT vjet. 1. zakon. sh. Mëlçitë e bagëtisë; mushkëritë. Xhigerët e dashit (e deles).
2. Të përbrendshmet e trupit të njeriut. Xhigerët e njeriut. I nxori xhigerin i çau barkun me thikë a me bajonetë, e theri, e vrau mizorisht.
✱Sin.: mëlçi, mushkëri, të përbrendshme.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë