Fjalori

Rezultate në përkufizime për “babit”

Mëso si ta përdorësh
<<< Kthehu te kërkimi kryesor në fjalor

BABIT

BABÍT,~I m., met. Lidhje metalesh me bazë kallajin, antimonin, bakrin dhe plumbin, që përdoret për veshjen e kushinetave etj. I veshur me babit. Përdorimi i babitit.

BABITEM

►BABÍT/EM jovep., ~A (u), ~UR 1. vetv. Trullosem, hutohem, çakërdisem. U babit nga nga sëmundja (nga lajmi i hidhur).
2. pës. e BABÍT.
✱Sin.: trullosem, hutohem, çakërdisem, trallisem, turbullohem, shushatem, shastisem, kalamendem, marrakotem, tërmekem, hutërrohem, hutlohem, harrohem, shpërmendem, përhumbem, ndërlikem, dalldis, dalldisem.

BINDEM

►BÍND/EM jovep., ~A (u), ~UR 1. vetv. Më mbushet mendja se diçka është e vërtetë a e drejtë, besoj plotësisht për këtë; pranoj diçka pa asnjë dyshim si të vërtetë e të drejtë; sigurohem për diçka. Bindem vetë. U bind më në fund. Tani u binda plotësisht.
2. vetv. Veproj sipas kërkesave dhe urdhrave të dikujt, e dëgjoj dikë dhe i nënshtrohem pa e kundërshtuar; shtrohem. U bindem prindërve. I bindem urdhrit të babit. Bindem pa fjalë. U bind njëherë e mirë.
3. vetv., bised. Çuditem nga diçka e jashtëzakonshme, habitem, mahnitem. Bindeshin të gjithë me të. Vërtet u binda nga kjo e papritur. Ra një breshër atë natë sa u bind dreqi.
4. pës. e BIND.
✱Sin.: dëgjoj, rysem, shtrohem, mblidhem, ndreqem, përmblidhem, ulem, bie.
♦ U bind *dreqi bised.

KAÇIATOR

KAÇIATÓR,~I m. sh. ~Ë, ~ËT 1. usht. Avion gjuajtës, i vogël dhe i shpejtë. Na gjuante kaçiatori.
2. fig., bised., përk. Fëmijë i shkathët dhe i shpejtë. Erdhi kaçiatori i babit.
3. si mb. I vogël, i shkathët dhe i shpejtë. Postier kaçiator.

MANAR

MANÁR,~I m. sh. ~Ë, ~ËT 1. Qengj i butë mashkull që është mësuar të ndjekë pas bariun a të zotin, ogiç. Kulloste manarët. E bëri manar. I vete pas si manar.
2. Filiz ahu që lihet për ripërtëritjen e pyllit. Manarët e pyllit të dendur mos i prek.
3. fig., edhe përk. Fëmijë i urtë e i përkëdhelur që nuk u ndahet prindërve. Manari i babit!

MIC

MIC,~I m. sh. ~A, ~AT krahin., përk. Fëmijë i vogël. Mici i babit!

SHAPUTË

SHAPÚT/Ë,~AI f. sh. ~A, ~AT 1. Ai që është llapush, i ngathët e moskokëçarës. Mos i thuaj kot shaputës, s’ke të mirë prej tij. Shaputa skuqej nga turpi deri në majë të veshit.
2. Ai që është kryemadh, bullafiq (zakonisht për fëmijët). Ku je, shaputa e babit?

SHEQERKË

SHEQÉRK/Ë,~A f. sh. ~A, ~AT 1. Produkt i ëmbël me sheqer të pjekur, karamele, sheqere. I dha një sheqerkë. E mashtroi me një grusht sheqerka. Bleu dy kuti me sheqerka.
2. Një lloj molle a kumbulle e cila është shumë e ëmbël.. I shijoi shumë sheqerka. Ishte pjekur sheqerka. Sheqerkë e pabërë.
3. fig. Ajo që është e mirë, e ëmbël. Si sheqerkë ma ke nuskën. - Të lumshin duart, sheqerkë! - Sheqerka e babit!
✱Sin.: karamele, sheqere, ëmbëlsirë, bonbone, ëmbëlore.
♦ Sheqerkë (*karamele) me helm. shih karamele me helm.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë