Fjalori

Rezultate në përkufizime për “azotik”

Mëso si ta përdorësh
<<< Kthehu te kërkimi kryesor në fjalor

ALKALOID

ALKALOÍD,~I m. sh. ~E, ~ET kim. Bashkim azotik, me shije të hidhur e helmues, që ka një ndikim të fortë farmakologjik në organizëm (kinina, kafeina, morfina, kokaina etj.). Grupi i alkaloideve që vepron në sistemin nervor. Alkaloide me efekt qetësues. Alkaloidet veçohen me metoda laboratorike.

AZOTIK

AZOTÍK,~E mb., spec. Që ka të bëjë me azotin, që ka në përbërje azot, që rrjedh nga azoti, ose që lidhet me përbërësit e azotit. Lëndë azotike. Gazi azotik. Acid azotik. Ushqim azotik. Lidhje azotike. Llojet e plehrave azotike. Përmbajtje e lartë azotike. Pasurim me lëndë azotike.

AZOTIM

AZOTÍM,~I m. sh. ~E, ~ET 1. Pasurimi me azot, ngopja me azot e një lënde; shtimi i azotit në sipërfaqe metali për qëllime teknike (për forcim të strukturës dhe si antindryshk). Azotimi rrit fortësinë e sipërfaqeve metalike. Azotimi i çelikut.
2. bujq. Procesi i shtimit të azotit në tokë për të nxitur rritjen, zhvillimin dhe pjellorinë e bimëve. Azotim natyror (artificial). Pleh azotik. Azotim i rregullt.
3. biol. Procesi i thithjes së azotit atmosferik nga mikroorganizma të veçantë edhe kthimi në forma të përdorshme për bimët. Azotim biologjik. Mekanizmat e azotimit biologjik. Efektet mjedisore të azotimit

NITRAT

NITRÁT,~I m. sh. ~E, ~ET 1. kim. Kripë e acidit nitrik. Nitrat argjendi. Nitrat natriumi. Nitrat amoni. Nitrati reduktohet në nitrite nga veprimi i enzimave.
2. bised., bujq. Pleh kimik në trajtë kokrrizash të bardha, që tretet lehtë në ujë, nitrat amoni, pleh azotik. Hedhja e nitratit. Plehërojnë tokën me nitrat.

NITRIK

NITRÍK,~E mb., kim. Që ka në përbërjen e vet azot, azotik, i azotit. Acid nitrik lëng më i rëndë se uji, pa ngjyrë e me erë të fortë, gërryes dhe helmues, që përdoret në industri. Jone të dëmshme nitrike. Azot nitrik (kim., bujq.) lidhje kimike e formuar nga tre atome oksigjeni dhe një atom azoti dhe që shërben si pleh për ushqyerjen e bimëve me lëndë azotike.

NITROBENZOL

NITROBENZÓL,~I m., kim. Vaj helmues i pangjyrë, që përfitohet kur benzoli përzihet me acidin azotik dhe sulfurik; përdoret për të bërë ngjyra anilinike.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë