Fjalori

Rezultate në përkufizime për “autostradë”

Mëso si ta përdorësh
<<< Kthehu te kërkimi kryesor në fjalor

AUTORRUGË

AUTORRÚG/Ë,~A f. sh. ~Ë, ~ËT tek. Rrugë e ndërtuar sipas standardeve të larta bashkëkohore, me shumë korsi, për automjete dhe për trafik të shpejtë, që lehtëson qarkullimin e automjeteve në largesa të gjata midis qyteteve të mëdha ose midis rajoneve. Autorrugë që lidh kryeqytetin me portin detar. Autorrugë e ndërtuar sipas standardeve evropiane. Udhëtuan autorrugës. Autorrugë me trafik të dendur. Trafiku në autorrugë. Infrastruktura e autorrugës. Mirëmbajtja e autorrugës. Autorrugë e re. Taksa e autorrugës.
✱Sin.: autostradë, magjistrale, superstradë.

AUTOSTRADË

AUTOSTRÁD/Ë,~A f. sh. ~A, ~AT Rrugë ndërqytetëse e ndërshtetërore e gjerë, zakonisht me ndarje në mes për dy korsi të lëvizjeve të automjeteve dhe zakonisht përdoret për trafikun e automjeteve me shpejtësi të lartë. Autostrada Durrës - Tiranë. Autostrada Tiranë - Prishtinë. Autostradë moderne. Tarifa për lëvizje automjetesh në autostradë.
✱Sin.: autorrugë, magjistrale, superstradë.

DIODË

DIÓD/Ë,~AII f. sh. ~A, ~AT Vend i caktuar në autostradë ku paguhet taksa e rrugës. Ka dy dioda në atë rrugë.

INSPEKTOR

INSPEKTÓR,~I m. sh. ~Ë, ~ËT Ai që është ngarkuar zyrtarisht të inspektojë punën e veprimtarinë e një njeriu, të një grupi njerëzish, të një shkolle, të një institucioni etj. Inspektor i përgjithshëm. Inspektori i punimeve në autostradë (në port, në aeroport). Inspektori i arsimit (i kulturës, i pyjeve, i sporteve të rënda).
✱Sin.: mbikëqyrës, kontrollor.

KALESË

KALÉS/Ë,~A f. sh. ~A, ~AT 1. Kalim.
2. Vendi ku mund të kalohet, urë kalimi (mbi një lumë, mbi një autostradë etj.); kalojë. Kalesë lumi. Kalesë mbi autostradë.
✱Sin.: kalim, kalojë.

KARAMBOL

KARAMBÓL,~I m. sh. ~E, ~ET 1. sport. Lojë bilardoje me tri bila, që luhet nga dy njerëz a dy çifte lojtarësh, nga të cilët fiton ai që merr më shumë pikë, duke goditur njëherësh me bilën e parë të dyja bilat e tjera; pika që fitohet nga goditja e këtyre tri bilave; bilardo. Luajmë karambol. Fitoi sepse bëri më shumë karambole.
2. bised. Aksident nga përplasja padashur e dy vetave, e dy makinave etj. Karambol makinash (për shkak shpejtësie). Bënë karambol në autostradë.

KRIPËSOJ

KRIPËS/ÓJ vep., ~ÓVA, ~ÚAR kal. 1. I hedh kripë një gjelle; i hedh më shumë kripë sesa duhet; bëj që të ndihet shumë shija e kripës; kripos gjellën, pastërmanë, gjellën etj. E kripësoi gjellën. Uji i detit kripëson tokat uji i detit dëmton strukturën dhe vlerat prodhuese të tokave.
2. Hedh kripë në rrugë a në autostradë për shkrirjen e akullit, kripos. Kripësuan rrugët.
✱Sin.: kripëzoj, krip, kripos, njelmësoj.

MBIUJOR

MBIUJÓR,~E mb. 1. Që zhvillohet ose që jeton mbi sipërfaqen e ujit (zakonisht për bimët); kund. nënujor. Bimë me kërcell mbiujor.
2. I mbiujshëm; kund. nënujor, i nënujshëm. Luftanije mbiujore. Autostradë mbiujore. Ndërtohet lidhja mbiujore midis dy qyteteve.

PENGOJ

PENG/ÓJI vep., ~ÓVA, ~ÚAR kal. 1. I dal përpara dikujt a diçkaje dhe s’e lë të lëvizë më tej, i zë rrugën; e ndaloj ose e vonoj lëvizjen e dikujt a të diçkaje. Aksidenti pengoi qarkullimin në autostradë.
2. I lidh kafshës këmbët e para që të mos largohet nga vendi ku kullot. Pengoj kalin (viçin).
3. fig. I nxjerr pengesa dikujt a diçkaje; nuk e lë të bëhet a të zhvillohet diçka, e vonoj, e vështirësoj a e ndaloj diçka; bëhem pengesë për dikë a për diçka. Pengon zhvillimin (përdorimin, shfrytëzimin, arritjen) e diçkaje. Asgjë s’e pengon revolucionin.
✱Sin.: mërkëmb, ndal, ndaloj, vonoj, ngadalësoj, mbaj, përmbaj, bllokoj, ndërpres, ngurr, lidh, ngurr, perëndit, përandit, pjekoj, prridh, çaloj, gozhdoj, shqetësoj, step, vështirësoj, rëndoj, mbodhis.

PIKËHYRJE

PIKËHÝRJ/E,~A f. sh. ~E, ~ET 1. Postbllok.
2. Pikë hyrjeje në një autostradë, në një port, në një terminal etj. U hapën tri pikëhyrje të reja.

PUSHIMORE

PUSHIMÓR/E,~JA f. sh. ~E, ~ET 1. Shtëpi pushimi.
2. Vendpushim për makina në një autostradë.

SHTETËROR

SHTETËRÓR,~E mb. 1. Që është i shtetit, që lidhet me shtetin, që i përket shtetit apo admistrohet nga shteti, i shtetit. Struktura shtetërore. Funksion shtetëror. Detyrë shtetërore. Tokë shtetërore. Fonde shtetërore. Dokument shtetëror. Shkollë shtetërore. Rrugë (autostradë) shtetërore.

2. Që është i punësuar në shtet, që përfaqëson shtetin. Punonjës shtetëror. Përfaqësues shtetëror.

3. Pjesë e dytë e disa emërtimeve. Personalitet shtetëror njeri i një rangu të lartë në politikë, në qeverinë e një vendi, në jetën shoqërore.

4. Që ushtrohet a që bëhet nga shteti; që vendoset nga shteti. Mbikëqyrje shtetërore. Kontroll shtetëror. Matura shtetërore.

TEJZGJATUR

TEJZGJÁTUR (i, e) mb. 1. Që është zgjatur më tej. Hekurudhë (autostradë) e tejzgjatur që lidh dy shtete.
2. Që është zgjatur më tej nga ç’duhet, që është zgjatur tej çdo caku a parashikimi kohor. Bisedime të tejzgjatura. Thatësirë e tejzgjatur. Mbledhje (ndeshje) e tejzgjatur.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë