Fjalori

Rezultate në përkufizime për “autore”

Mëso si ta përdorësh
<<< Kthehu te kërkimi kryesor në fjalor

ANONIME

ANONÍM/E,~JA f. sh. ~E, ~ET Ajo që shkruan e boton shkrime a vepra pa emër ose pa nënshkrim; autore e panjohur e një letre, e një shkrese, e një dokumenti. Anonimja e romanit. Ti nuk je anonimja.

AUTORE

AUTÓR/E,~JA f. sh. ~E, ~ET 1. Krijuese e një vepre letrare ose e një vepre tjetër artistike. Autore romani. Autore filmi. Autore prodhimtare.
2. Hartuese e një vepre ose punimi shkencor, e një shkrimi, e një hulumtimi, e një projekti etj. Idetë iluministe të autores. Autorja e shkrimit.
3. Ajo që ka bërë një veprim të caktuar; ajo që ka kryer një faj, një vepër penale, një krim etj. Autore e një vepre bamirësie. Autore e krimit.

BASHKAUTORE

BASHKAUTÓR/E,~JA f. sh. ~E, ~ET Autore bashkë me një tjetër në një vepër etj. Është bashkautore në shumë vepra.

DORASE

DORÁS/E,~JA f. sh. ~E, ~ET Fajtore; shkaktare e vërtetë për një të keqe, autore e një faji etj.

DORËSHKRUESE

DORËSHKRÚES/E,~JA f. sh. ~E, ~ET Ajo që ka shkruar diçka me dorë, autore e një dorëshkrimi.

DRAMATURGE

DRAMATÚRG/E,~IA f. sh. ~E, ~ET let. Ajo që shkruan drama, autore dramash. Një nga dramaturget e para.

ESEISTE

ESEÍST/E,~JA f. sh. ~E, ~ET libr. Autore ose shkruese esesh; ajo që shkruan zakonisht vetëm ese. Historiania dhe eseistja e njohur. Takimi me eseisten. Shkrimet e ndryshme të eseistes.

HARTUESE

HARTÚES/E,~JA f. sh. ~E, ~ET Ajo që harton diçka; autore. Hartuese e treguesit. Hartuese programit.
✱Sin.: përpiluese, autore.

HUMORISTE

HUMORÍSTE,~JA f. sh. ~E, ~ET 1. Shkrimtare a dramaturge që shkruan vepra humoristike.
2. Autore që luan pjesë humoristike. Humoristet e qytezës.
3. si mb. Sipas kuptimeve të mbiemrit. Shkrimtare humoriste. Aktore humoriste.

KRONISTE

KRONÍST/E,~JA f. sh. ~E, ~ET Gazetare që merret me lajme të kronikës; autore kronikash.

LIBËRSHKRUESE

LIBËRSHKRÚES/E,~JA f. sh. ~E, ~ET Ajo që merret me shkrimin e librave a shkruan libra, ajo që përgatit libra për botim, daktilografe; shkrimtare ose autore që harton një libër.

MINIATURISTE

MINIATURÍST/E,~JA f. sh. ~E, ~ET 1. Ajo që bën miniatura, piktore miniaturash. Miniaturiste e re.
2. Autore veprash të vogla letrare e muzikore.

PARODISTE

PARODÍST/E,~JA f. sh. ~E, ~ET 1. let. Ajo që shkruan parodi. Autore parodish.
2. teatr. Interpretuese parodish.

TRAGJEDIOGRAFE

TRAGJEDIOGRÁF/E,~JA f. sh. ~E, ~ET Autore tragjedish, shkrimtare që krijon ose shkruan tragjedi.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë