Fjalori

Rezultate në përkufizime për “autonom”

Mëso si ta përdorësh
<<< Kthehu te kërkimi kryesor në fjalor

AUTONOM

AUTONÓM,~E mb., drejt. 1. Që ka të drejtën të vendosë në mënyrë të pavarur për punët e popullsisë së vet dhe të qeveriset sipas ligjeve të veta, brenda sistemit të një shteti të madh; që ka autonomi, i pavarur, sovran. Shtet autonom. Republikë (krahinë) autonome. Rajon autonom. Institucion autonom. Sistem autonom. Gjykatë autonome.
2. Që është i pavarur; që vepron vetë, pa iu nënshtruar lidhjeve me një tërësi më të madhe. Ndërmarrje (degë, njësi) autonome. Repart autonom. Ekonomi autonome. Zhvillim autonom. Veprime autonome. Automjet autonom (pa shofer). Teknologji autonome.
✱Sin.: i pavarur, i lirë, i mëvetësuar, sovran, vetëqeverisës, vetudhëheqës, vetëvendosës.

MËKËMBUR

MËKË́MBUR,~IT (të) as. Mëkëmbje. Ideja e të mëkëmburit të një vendi autonom.

PAVARUR

PAVÁRUR (i, e) mb. 1. Që nuk është i varur ekonomikisht e politikisht, i mëvetësishëm. Vend (shtet) i pavarur. Jeton i lirë e i pavarur.
2. Që nuk është i varur nga një tjetër, që nuk është nën urdhrat, nën pushtetin a nën varësinë e një tjetri. Njeri i pavarur. Organizatë e pavarur.
3. Që qëndron më vete, që s’varet nga diçka tjetër; që bëhet, shfaqet a shprehet në mënyrë të mëvetësishme. Puna e pavarur e nxënësve (e studentëve). Zhvillim i pavarur. Mendim (qëndrim) i pavarur. Fjalë me kuptim leksikor të pavarur (gjuh.). Fjali e pavarur (gjuh.) fjali që s’varet gramatikisht prej një fjalie tjetër dhe që s’plotësohet nga një fjali tjetër.
✱Sin.: i mëvetësishëm, i mosvarmë, autonom, i pakushtëzuar.

RAJON

RAJÓN,~I m. sh. ~E, ~ET 1. Krahinë e gjerë, që ka disa veçori gjeografike, ekonomike etj.; pjesë e madhe e një vendi, që ndahet sipas disa tipareve; hapësirë ose vend i gjerë, ku zhvillohen veprime luftarake ose ndodh diçka tjetër; zonë. Rajon gjeografik (ekonomik). Rajon industrial (bujqësor). Rajon i zhvilluar (i rëndësishëm, i prapambetur). Rajon i banuar. Rajon autonom. Rajon i çliruar. Rajoni i betejës (i sulmit, i veprimeve luftarake, i mbrojtjes). Rajoni i përmbytjes (i stuhisë).
2. Ndarje organizative a administrative e një qyteti; qendra drejtuese e kësaj ndarjeje me zyrat dhe me ndërtesat e veta. Rajoni numër një. Rajoni i policisë. Zyrat e rajonit.

UJGUR

UJGÚR,~I m. sh. ~Ë, ~ËT Banor vendës i Ujgurit ose me prejardhje nga Ujguri (rajon autonom në Kinë).

UJGURE

UJGÚR/E,~JA f. sh. ~E, ~ET Banore vendëse e Ujgurit ose me prejardhje nga Ujguri (rajon autonom në Kinë).

VAGUS

VÁGUS,~I m. sh. ~E, ~ET anat. Nerv endacak palcor, fillimi i të cilit është në trurin vazhdues; nervi i dhjetë kranial, pjesë kryesore e parasimpatikut të sistemi nervor autonom.

VETËSUNDUES

VETËSUNDÚES,~E mb., libr. Që vetëqeveris, që është i pavarur; autonom; vetëqeverisës. Vend vetësundues. Qeveri vetësunduese.
✱Sin.: vetëqeverisës, vetadministrues, i pavarur, autonom.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë