Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
ABSOLÚT,~E mb. 1. Që është i pavarur dhe i pandryshueshëm, që është i përhershëm, që nuk kushtëzohet nga diçka tjetër, që është diçka që ekziston ose qëndron më vete ose vetvetiu, që nuk krahasohet me diçka tjetër; kund. relativ. Shifër absolute. Madhësi absolute. Vlerë absolute. Ide absolute (filoz.). Fryma absolute. Identiteti absolut. Mosha absolute (gjeol.). Shkalla sipërore absolute (gjuh.). Shpejtësi absolute (fiz.). Lartësi absolute. Mbretëri absolute. Autokraci absolute. Pushtet absolut.
2. Që është i plotë e tërësor, që nuk varet nga rrethana a kushte, që nuk ka asnjë përjashtim a kufizim. Epërsi absolute. Njësimësi absolute. Qetësi absolute. Liri absolute. Drejtësi absolute. Mungesë (pamundësi) absolute. Temperaturë absolute (fiz.). Amnezi absolute (mjek.). Kampion absolut (sport.) sportist që ka fituar mbi kundërshtarët e tjerë në ndeshjet e një lloji të caktuar sporti. Zero absolute (fiz.). Shumicë absolute shumicë që e kalon gjysmën e tërësisë së numëruar, shumicë dërrmuese.
3. Që është i sigurt, i qartë, i padyshimtë, i prerë, i padiskutueshëm ose i pakontestueshëm; që nuk lëshon pe. Gjykim absolut. E vërteta absolute (filoz.). Substanca absolute (filoz.). Logjikë absolute. Vendim absolut. Nevojë absolute. Në mënyrë absolute.
4. Që nuk zbaton asnjë ligj, që nuk njeh asnjë kufizim, që ushtron pushtet të plotë, që e mban në dorë gjithë pushtetin; tiranik, despotik. Mbretëri absolute. Pushtet absolut. Sundim absolut. Mbret absolut. Sundimtar absolut.
5. gjuh. Që është i pavarur nga pjesët e tjera të fjalisë, që qëndron më vete. Ndërtim sintaksor absolut.
✱Sin.: i plotë, i tërësishëm, i sigurt, i palëkundur, i pakushtëzuar, i padyshimtë, i pakufizueshëm, tiranik, despotik, autokratik.
ABSOLUTIZÚAR (i, e) mb., libr. Që është absolutizuar, që është i pakundërshtueshëm, i pandryshueshëm ose që është i ngritur në një rrafsh absolut. Regjim i absolutizuar. Pushtet i absolutizuar. Vendim i absolutizuar. Qëndrim i absolutizuar. Parim i absolutizuar. E vërteta e absolutizuar. Normë (zakon, koncept) i absolutizuar.
✱Sin.: i plotë, i tërësishëm, i pakushtëzuar, i pakufizuar, i pakufizueshëm, i padiskutueshëm, tiranik, despotik, autokratik.
AUTARKÍK,~E mb., pol. Që ka veçoritë e autarkisë; që mbyllet brenda caqeve të ekonomisë së vet për plotësimin e të gjitha kërkesave, që bazohet në autarki. Pushtet autarkik. Sundim autarkik. Plan autarkik.
✱Sin.: autokratik, despotik, tiranik, diktatorial, sundues, monarkik, mbretëror, perandorak, carist.
AUTOKRÁT,~E mb. Që ka pushtet të pakufizuar, që ushtron pushtet autokratik, të pakufizuar. Njeri autokrat. Qeveri autokrate. Vendim autokrat.
AUTOKRATÍK,~E mb. Që mbështetet në autokraci, që ka si formë qeverisjeje autokracinë; absolut. Shtet (regjim) autokratik. Pushtet autokratik. Sundim autokratik.
✱Sin.: autarkik, despotik, tiranik, diktatorial, sundues, monarkik, mbretëror, perandorak, sulltanor, carist.
TIRANÍK,~E mb. Që mbështetet në tiraninë, që vepron me tirani; që është karakteristik për tiranin, prej tirani; që vepron e sillet si tiran; despotik. Regjim (sundim) tiranik. Zgjedhë tiranike. Sjellje (veprime) tiranike.
✱Sin.: diktatorial, autokratik, despotik, shtypës, absolut, arbitrar, mizor, skllavërues, robërues.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë