Fjalori

Rezultate në përkufizime për “autarki”

Mëso si ta përdorësh
<<< Kthehu te kërkimi kryesor në fjalor

AUTARKI

AUTARKÍ,~A f. sh. ~, ~TË pol. Koncept ekonomik dhe politik që nënkupton mbylljen dhe vetëmjaftueshmërinë e një shteti apo një komuniteti; ekonomi e pavarur nga tregtia dhe marrëdhëniet ekonomike me shtete të tjera, duke përmbushur të gjitha nevojat e veta brenda kufijve të saj; sovranitet absolut. Politika e autarkisë. Bie në autarki. Autarki ekonomike. Autarkia në ekonominë globale.
✱Sin.: autokraci, despotat, tirani, diktaturë, sundim, monarki, mbretëri, perandori, sulltanat.

AUTARKIK

AUTARKÍK,~E mb., pol. Që ka veçoritë e autarkisë; që mbyllet brenda caqeve të ekonomisë së vet për plotësimin e të gjitha kërkesave, që bazohet në autarki. Pushtet autarkik. Sundim autarkik. Plan autarkik.
✱Sin.: autokratik, despotik, tiranik, diktatorial, sundues, monarkik, mbretëror, perandorak, carist.

AUTARKIST

AUTARKÍST,~E mb., pol. Që mbështetet në autarki, që ka si formë qeverisjeje autarkinë; që mbyllet brenda caqeve të ekonomisë së vet për plotësimin e të gjitha kërkesave. Ekonomi autarkiste. Shtet autarkist. Sistem autarkist. Marrëdhënie autarkiste.
✱Sin.: monarkist, mbretëror.

AUTARKIZËM

AUTARKÍZ/ËM,~MI m. sh. ~MA, ~MAT pol. Ideologji që përqendrohet te pavarësia ekonomike dhe synon të shmangë varësinë nga burimet e jashtme; kontroll i plotë mbi ekonominë e shtetit për arsye të sigurisë kombëtare, për mbijetesën gjatë krizave eventuale globale ose për të ruajtur sovranitetin politik. Parimet e autarkizmit. Autarkizëm ekonomik (politik). Autarkizëm shtetëror.
✱Sin.: autarki, autokraci, despotizëm, monarkizëm.

AUTOKRACI

AUTOKRACÍ,~A f. sh. ~, ~TË libr. Sistem qeverisjeje, në të cilin pushteti i lartë është përqendruar në duart e një njeriu të vetëm, të mbretit a të perandorit; pushtet i pakufizuar e një njeriu, diktaturë, absolutizëm. Autokracia cariste. Parimet e autokracisë. Përmbysja e autokracisë.
✱Sin.: autarki, absolutizëm, despotat, tirani, diktaturë, sundim, monarki, mbretëri, perandori, sulltanat.

AUTOKRATIZËM

AUTOKRATÍZ/ËM,~MI m. sh. ~MA, ~MAT pol. Ideologji, sistem, mënyrë qeverisjeje ku vendimet merren nga një individ (autokrat) pa këshillim me popullin apo institucionet përfaqësuese të tij; ushtrim autoritar i pushtetit, pushtet absolut. Regjim autokratizmi. Parimet e autokratizmit. Autokratizëm shtetëror. Autokratizmi modern. Kthim drejt autokratizmit. Formë e autokratizmit. Ra në grackën e autokratizmit.
✱Sin.: autarkizëm, autarki, autokraci, absolutizëm, despotizëm, tiranizëm, monarkizëm.

AUTORITARIZËM

AUTORITARÍZ/ËM,~MI m. sh. ~MA, ~MAT Formë e qeverisjes ose e udhëheqjes në të cilën pushteti përqendrohet në duart e një autoriteti të vetëm, të një lideri, një grupi ose një institucioni ku të drejtat dhe liritë individuale kufizohen dhunshëm; autokraci. Ideologjia e autoritarizmit. Parimet e autoritarizmit. Idetë e autoritarizmit.
✱Sin.: autokratizëm, autarkizëm, autarki, autokraci, absolutizëm, despotizëm, tiranizëm, monarkizëm.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë