Fjalori

Rezultate në përkufizime për “audio”

Mëso si ta përdorësh
<<< Kthehu te kërkimi kryesor në fjalor

AMPLITUDË

AMPLITÚD/Ë,~A f. sh. ~A, ~AT 1. fiz. Madhësi që tregon intensitetin ose shtrirjen e një lëvizjeje ose të një sinjali; largësia midis pikës më të largët që arrin një trup gjatë luhatjes dhe pikës kur ai qëndron në qetësi; rrezja e veprimit; shtrirje. Amplituda e lëvizjes (vibrimi), Amplituda e sinjalit audio. Amplituda e sinjaleve elektromagnetike.
2. muz. Shtrirja e sinjalit të zërit, fuqia e tingullit që dëgjohet. Ndryshimi në amplitudën e melodisë krijoi një ndjesi të veçantë.
3. fig. Shtrirja, përmasa ose intensiteti i diçkaje që nuk është jofizike. Në fytyrë ia vëreje amplitudën e emocioneve. Fjalimi u shqua nga amplituda e ideve dhe e argumenteve të fuqishme.
✱Sin.: shtrirje, gjerësi, largësi, madhësi, rreze, gjani.

AUDIO

ÁUDIO,~JA f. sh. ~, ~T fiz., elektr. 1. Çdo tingull që mund të dëgjohet nga njerëzit dhe kafshët, që përhapet përmes valëve zanore, përmes ajrit ose një mediumi tjetër.
2. tek. Regjistrimi, përpunimi, transmetimi dhe riprodhimi i tingullit në formë analoge ose digjitale, që realizohet përmes pajisjeve të ndryshme. Sistemet audio. Audio test. Altoparlant audio. Audio analogu.
3. Riprodhim zëri, pjesa dëgjimore e programit televiziv; teksti i folur në radio, në filma e në skenarë televizivë.

AUDIO-

AUDIO- fjalëform., libr. Pjesë e parë e fjalëve të përbëra, e cila i përgjigjet nga kuptimi fjalës dëgjim.

AUDIOKASETË

AUDIOKASÉT/Ë,~A f. sh. ~A, ~AT Mjet analogjik për regjistrimin e audios, që përbëhet nga një shirit magnetik i vendosur brenda një kasete plastike, që shërben për regjistrimin dhe dëgjimin e muzikës, të librave audio etj. Asokohe dëgjonim audiokaseta. Incizime me audiokaseta.

MONITOR

MONITÓR,~I m. sh. ~Ë, ~ËT kompj. Pajisje që pranon sinjale video apo audio nga një kompjuter dhe e shfaq informacionin dhe pamjet në ekran.

PËRGJUAR

PËRGJÚAR (i, e) mb. Që është përgjuar. Njeri i përgjuar. Material i përgjuar (drejt.) çdo material i regjistruar në audio, në kompjuter apo në letër me anë të procesit të përgjimit.

STEREOFONIK

STEREOFONÍK,~E mb., fiz. Që përshkruan cilësinë e tingullit në një sistem audio. Format sterofonik. Një prodhues tingujsh stereofonikë. Audio stereofonike.

VIDEOREGJISTRUES

VIDEOREGJISTRÚES,~I m. sh. ~, ~IT Aparat që lidhet me televizorin për të regjistruar emisione ose riprodhuar çfarë është regjistruar në videokasetë; video. Videoregjistrues digjital. Videoregjistrues audio. Videoregjistrues me rrjet.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë