Fjalori

Rezultate në përkufizime për “atypëratyshëm”

Mëso si ta përdorësh
<<< Kthehu te kërkimi kryesor në fjalor

ATYATYSHËM

ATYATÝSH/ËM (i), ~ME (e) mb. Që bëhet aty për aty; i atypëratyshëm. Përgjigje e atyatyshme.

ATYPËRATYSHËM

ATYPËRATÝSH/ËM (i), ~ME (e) mb. Që ndodh aty për aty, që bëhet atë çast, pa përgatitje paraprake; i menjëhershëm, i çastit. Krijim i atypëratyshëm. Përgjigje e atypëratyshme. Ndryshim i atypëratyshëm.

ATËÇASTSHËM

ATËÇÁSTSH/ËM (i), ~ME (e) mb., libr. Që ndodh pikërisht në atë çast, që bëhet menjëherë, aty për aty, në këtë moment. Veprim i atëçastshëm. Ndodhi e atëçastshme. Zakon i atëçastshëm.
✱Sin.: i çastshëm, momental, i menjëhershëm, i atypëratyshëm.

MENJËHERSHËM

MENJËHÉRSH/ËM (i), ~ME (e) mb. 1. Që bëhet në çast a aty për aty, që bëhet menjëherë, shpejt e shpejt, pa kaluar kohë. Masa të menjëhershme. Kthesë e menjëhershme. Largim i menjëhershëm. Kërkoi dorëheqjen e menjëhershme të tij. Përfshirja e saj do të jetë graduale dhe jo e menjëhershme.
2. Që bëhet në të njëjtën kohë me një tjetër; që bëhet bashkë me të, i përnjëhershëm. Nuk është përgatitur të bëjë lëvizje të tilla të menjëhershme. U bënë lëvizje (arrestime) të menjëhershme. U organizua një sulm i menjëhershëm nga të gjitha anët.
✱Sin.: i përnjëhershëm, i atypëratyshëm, i atëçastshëm, i njëkohshëm, i njëhopshëm, i pandërmjetshëm, i pandërmjetëm, i drejtpërdrejtë, i vetëtimtë, i vetëtimshëm, urgjent, i rrufeshëm.

NJËHOPSHËM

NJËHÓPSH/ËM (i), ~ME (e) mb. Që bëhet menjëherë, në një hop, në një çast, i menjëhershëm; i atypëratyshëm. Ndërrim i njëhopshëm.
✱Sin.: i atypëratyshëm, i menjëhershëm.

PANDËRMJETËM

PANDËRMJÉT/ËM (i), ~ME (e) mb. 1. Që lidhet me diçka pa ndërmjetësinë e ndonjë hallke tjetër; që kryhet pa ndërmjetësinë e dikujt a të diçkaje, i drejtpërdrejtë; kund. i ndërmjetëm. Detyrë e pandërmjetme.
2. Që kryhet menjëherë, pa asnjë vonesë; i menjëhershëm. Veprimi i pandërmjetëm.
✱Sin.: i drejtpërdrejtë, i menjëhershëm, i atypëratyshëm.

PËRNJËHERSHËM

PËRNJËHÉRSH/ËM (i), ~ME (e) mb. Që bëhet në çast; që ndodh në mënyrë shumë të shpejtë a të papritur, i menjëhershëm; që bëhet përnjëherë. Ngritje e përnjëhershme e temperaturës. Një kthesë e përnjëhershme.
✱Sin.: i menjëhershëm, i papritur, i atypëratyshëm.

ÇASTIT

ÇÁSTIT (i, e) mb. 1. Që përgatitet e bëhet aty për aty; çastësor. Gjellë (fotografi) e çastit.
2. Që kalon shpejt, që nuk zgjat, që ka vlerë vetëm për një kohë të shkurtër. Përshtypje të çastit. Nisen gjithnjë nga interesa të çastit. Do të përligjë zgjidhjet e çastit me atë vendim. Kishte qenë një vegim i çastit.
✱Sin.: çastësor, çastor, i menjëhershëm, i atypëratyshëm.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë