Fjalori

Rezultate në përkufizime për “ateiste”

Mëso si ta përdorësh
<<< Kthehu te kërkimi kryesor në fjalor

AFETARE

AFETÁR/E,~JA f. sh. ~E, ~ET Ajo që nuk është ose nuk ndihet fetare; ajo që nuk beson në zot. Ishte afetare.
✱Sin.: e pafe, jofetare, jobesimtare, ateiste.

ATEIST

ATEÍST,~E mb., libr. Që mohon qenien e çfarëdo perëndie, që është kundër çdo besimi fetar; që ka të bëjë me ateizmin, që mbështetet tek ateizmi; që i shërben luftës kundër fesë. Botëkuptim ateist. Bindje ateiste. Literaturë (propagandë) ateiste. Shkollë ateiste. Edukimi ateist.
✱Sin.: jofetar, afetar, i pafe, jobesimtar.

ATEISTE

ATEÍST/E,~JA f. sh. ~E, ~ET Ajo që mohon qenien e çfarëdo perëndie, ajo që nuk beson ekzistencën e asnjë hyjnie apo fuqie mbinatyrore, pasuese e ateizmit. Ateiste verbale. Jam ateiste.
✱Sin.: jofetar, afetar, i pafe, jobesimtar.

MOSBESIMTARE

MOSBESIMTÁR/E,~JA f. sh. ~E, ~ET Ajo që nuk beson në ekzistencën e një krijuesi ose që nuk beson në fe; ateiste; kund. besimtare. Nuk ishte aq e thjeshtë të quhej mosbesimtare.

PROPAGANDË

PROPAGÁND/Ë,~A f. sh. ~A, ~AT 1. Veprimtari e gjerë me anë të shtypit, të radios, të fjalimeve etj. për të përhapur dhe për të ngulitur te njerëzit një doktrinë a një ide, për t’i bindur dhe për t’i mobilizuar për diçka etj. Propagandë politike (kulturore, pedagogjike, shkencore, shëndetësore, ateiste). Propaganda e prodhimit. Mjetet (metodat) e propagandës.
2. bised. Përpjekje për t’i mbushur mendjen dikujt me fjalë, për ta bindur për diçka, agjitacion. I bën propagandë.
✱Sin.: agjitacion, predikim, përhapje.

TEIST

TEÍST,~E mb. Që shfaq ose që shpreh hapur teizmin; që ka të bëjë a që lidhet me teizmin. Shkrimtar teist. Filozof teist. Qëndrim teist. Filozofia teiste dhe ajo ateiste nuk pajtohen.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë