Fjalori

Rezultate në përkufizime për “atdhetari”

Mëso si ta përdorësh
<<< Kthehu te kërkimi kryesor në fjalor

ATDHEDASHURI

ATDHEDASHURÍ,~A f. Dashuria për atdheun, për vendin e lindjes, për gjuhën, për njerëzit e atdheut; dëshira e zjarrtë e vendosmëria për të mos kursyer asgjë për të mirën e atdheut. Atdhedashuri e flaktë (e zjarrtë). Ndjenja (flaka) e atdhedashurisë. Frymë atdhedashurie.
✱Sin.: atdhetari, mëmëdhetari, atdhetarizëm, atdhedashësi, atdhedashje, atdhesi, patriotizëm.

ATDHESI

ATDHESÍ,~A f., poet., vjet. Atdhetari, mëmëdhetari. Ndjenja (flaka) e atdhesisë. Atdhesia e luftëtarëve. Atdhesia e poetit.

ATDHETARIZËM

ATDHETARÍZ/ËM,~MI m. sh. ~MA, ~MAT libr. Atdhetari. Shembull atdhetarizmi. Himn atdhetarizmit. I brumosur me atdhetarizëm. Ngjall atdhetarizëm. Atdhetarizëm ideal (veprues).
✱Sin.: mëmëdhetarizëm, patriotizëm.

MËMËDHETARI

MËMËDHETARÍ,~A f., lart. Atdhetari. E orientoi talentin e tij artistik nga mëmëdhetaria.

PATRIOTIZËM

PATRIOTÍZ/ËM,~MI m. Dashuria për atdheun e për popullin e vet dhe gatishmëria për t’u shërbyer atyre me besnikëri, ndjenja e lartë e detyrës për të mbrojtur me vetëmohim interesat e atdheut dhe të popullit të vet; atdhetari. Patriotizëm i flaktë (i madh, i lartë). Patriotizmi popullor. Patriotizmi i rilindësve tanë. Ndjenja (shprehja) e patriotizmit.
✱Sin.: atdhetari, atdhesi, atdhedashuri.

PSEUDOATDHETARI

PSEUDOATDHETARÍ,~A f. Atdhetari vetëm me fjalë, atdhetari e rreme.

VETERAN

VETERÁN,~E mb. 1. Që është luftëtar i vjetër e me përvojë; atdhetari i vjetër; pjesëmarrës në shumë luftime e beteja. Luftëtar veteran. Luftëtare veterane.
2. Që ka punuar për shumë kohë në një fushë të caktuar të veprimtarisë shoqërore; punonjës i vjetër e me merita të mëdha në një fushë të caktuar. Arsimtare veterane. Mjek veteran. Lojtar veteran.
✱Sin.: luftëtar, veprimtar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë