Fjalori

Rezultate në përkufizime për “asnjanësuar”

Mëso si ta përdorësh
<<< Kthehu te kërkimi kryesor në fjalor

ACIDUES

ACIDÚES,~I m. sh. ~, ~IT kim. Ai që bën acidimin e një mjedisi. Përdor acidues për të asnjanësuar një tretësirë.

ANTIRAKETË

ANTIRAKÉT/Ë,~A f. sh. ~A, ~AT usht. Armë për të ndaluar, për të asnjanësuar ose për të shkatërruar raketat në ajër; pajisje e sisteme mbrojtëse për të parandaluar dëmtimet nga raketat, kundërraketë. Mbrojtje me antiraketa. Vendosja e antiraketës. Instalimi i një baze të antiraketave. Përdorën antiraketë. U testuan antiraketat. Teknologjia e antiraketave.

ANTITOKSINË

ANTITOKSÍN/Ë,~A f. sh. ~A, ~AT farm. Antitrup për të asnjanësuar ose për të luftuar toksinën në një organizëm; kund. toksinë. Përdorimi i antitoksinës. Antitoksina shtazore. Prodhimi i antitoksinave. Antitoksina e difterisë (tetanosit etj.). Pacientit të infektuar iu injektua antitoksina. Vaksina nxit prodhimin e antitoksinave (antitrupave).
✱Sin.: kundërtoksinë, kundërhelmues, antithelmues.

ASNJANËSOJ

ASNJANËS/ÓJ vep., ~ÓVA, ~ÚAR libr., kal. 1. E bëj një shtet ose një vend të jetë asnjanës, të jetë i paanshëm. Ai i ka politizuar dhe i ka asnjanësuar grupet.
2. I heq mundësinë të veprojë; e bëj të paaftë të veprojë, i dobësoj fuqinë. Asnjanësoj një kundërshtar. Asnjanësoj ndikimin e dikujt. Asnjanësoj një pozicion.
3. kim. I heq diçkaje vetitë acide me anë të reaksionit me një bazë ose anasjelltas. Asnjanësoj një tretësirë.
4. spec. I heq diçkaje një veti karakteristike (ngjyrimin, ngarkesën etj.) dhe e bëj asnjanës. Asnjanësoj një forcë. Asnjanëson ngarkesën e një grimce.
✱Sin.: paanësoj, neutralizoj, mënjanoj, bllokoj, eliminoj.

ASNJANËSUAR

ASNJANËSÚAR (i, e) mb. Që është bërë asnjanës, i paanshëm; që është asnjanësuar.
✱Sin.: i asnjanshëm, i asnjanët, i paanshëm, i paanësuar, i neutralizuar.

NEUTRALIZUAR

NEUTRALIZÚAR (i, e) mb. Që është neutralizuar, i asnjanësuar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë