Fjalori

Rezultate në përkufizime për “ashpërsisht”

Mëso si ta përdorësh
<<< Kthehu te kërkimi kryesor në fjalor

ARNISEM

►ARNÍS/EM jovep., ~A (u), ~UR 1. vetv. Grindem, zihem (me dikë), fjalëtoj, bëj fjalë me dikë, shamatohem, hahem me fjalë, përlahem. U arnisën ashpërsisht.
2. pës. e ARNÍS.

ASHPËR

ÁSHPËR ndajf. 1. Me thërrmija të mëdha, me kokrriza jo të imëta, trashë, egër. Bluaj ashpër. I thërrmuar ashpër.
2. fig. Në mënyrë të rreptë e të përgjakshme; pa mëshirë, me egërsi, egër, rreptë. Sulmon (godit) ashpër. Luftoj ashpër. Kundërshtoi ashpër. U soll ashpër. Foli ashpër.
3. fig. Në mënyrë të vrazhdë, me ashpërsi, rëndë. Flas (përgjigjem) ashpër. Sillet ashpër.
4. fig. Në mënyrë të prerë, pa lëshime, rreptë. Dënoi (gjykoi) ashpër. Kritikoj (qortoj) ashpër.
♦ Bluan ashpër (dikush) flet me fjalë të rënda, të ashpra ose jashtë arsyes; bluan trashë; kund. bluan butë.
✱Sin.: ashpërsisht, rreptë, rreptësisht, vrazhdë, vrazhdësisht, egër, egërsisht, trashë, trashësisht, brutalisht.

ASHPËRISHT

ASHPËRÍSHT ndajf. Ashpërsisht. I foli (u përgjigj) ashpërisht. U soll ashpërisht. U zunë ashpërisht.

ASHPËRSISHT

ASHPËRSÍSHT ndajf. Në mënyrë të ashpër, me ashpërsi; me rreptësi, ashpër, rreptë. Luftoi ashpërsisht. Kritikoj ashpërsisht. Ndëshkoi ashpërsisht.
✱Sin.: ashpër, vrazhdë, vrazhdësisht, rreptë, rreptësisht, egër, egërsisht.

BRUTALISHT

BRUTALÍSHT ndajf., libr. Ashpër, me ashpërsi; me inat, me zemërim (për sjelljen, për të folurit etj.) U soll brutalisht. Fliste brutalisht. Ndërhyri (u fut) brutalisht.
✱Sin.: ashpër, ashpërsisht, rreptë, rreptësisht, vrazhdë, egërsisht, ujqërisht, hidhur, thartë, rëndë, acar.

DASHAKEQËSISHT

DASHAKEQËSÍSHT ndajf. Me dashakeqësi; kund. dashamirësisht. U paragjykuan ashpërsisht, pandershmërisht dhe dashakeqësisht.

MUJSHËM

MÚJSHËM ndajf. 1. Duke ushtruar forcë për të arritur diçka vetëm sepse mundet; me sjellje të ashpër, me vrazhdësi, me prepotencë, dhunshëm. Mund të sillet mujshëm. Luan mujshëm. Vepron mujshëm.
2. Me forcë të madhe, rëndshëm, shumë, tepër. Sëmundja vepron mujshëm. Ai punon mujshëm.
✱Sin.: ashpërsisht, vrazhdësisht, dhunshëm, shumë, tepër, rëndë.

RREPTËSISHT

RREPTËSÍSHT ndajf. Në mënyrë të rreptë, pa asnjë lëshim ose shmangie, në mënyrë shumë të prerë a të përpiktë, me rreptësi; me ashpërsi. Ndalohet rreptësisht. I foli rreptësisht. Kërkesa rreptësisht shkencore.
✱Sin.: prerë, preras, rreptë, ashpër, ashpërsisht, egërsisht.

VRAZHDË

VRÁZHDË ndajf. Në mënyrë të vrazhdë, rëndë, me ashpërsi, ashpër, me të egër, egër; kund. butë. I foli vrazhdë. Iu përgjigj vrazhdë. E shikoi vrazhdë. Sillej vrazhdë.
✱Sin.: egërsisht, ashpërsisht, panjerëzisht, harbutërisht.

VRAZHDËSISHT

VRAZHDËSÍSHT ndajf. Vrazhdë, me vrazhdësi, ashpërsisht. Iu përgjigj vrazhdësisht. E ndërpreu vrazhdësisht.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë