Fjalori

Rezultate në përkufizime për “asfiksim”

Mëso si ta përdorësh
<<< Kthehu te kërkimi kryesor në fjalor

ASFIKSI

ASFIKSÍ,~A f. 1. mjek. Vështirësim ose ndalim i frymëmarrjes nga mungesa e ajrit me oksigjen; humbje e vetëdijes si pasojë e bllokimit të rrugëve të frymëmarrjes ose për shkak të mungesës së oksigjenit ose sasive të tepërta të dyoksidit të karbonit; vdekje (mbytje, ngulfatje) nga frymëzënia. Trajtimi i asfiksisë. Vdiq nga asfiksia. Asfiksi e frytit. Asfiksi e të porsalindurit.
2. fig. Ndërprerje a vështirësi e madhe që krijohet në një degë prodhimi dhe që pengon zhvillimin e lirë të saj. Asfiksi e biznesit.
✱Sin.: frymëzënie, mbytje, ngulfatje, asfiksim.

ASFIKSIM

ASFIKSÍM,~I m. sh. ~E, ~ET Veprimi i ndalimit ose i pengimit të frymëmarrjes, shpesh deri në pikën e mbytjes ose të përjetimit të mungesës së oksigjenit. Asfiksim mekanik. Tymi si shkak i asfiksimit. Asfiksimi ia dëmtoi organet e frymëmarrjes.
✱Sin.: frymëzënie, mbytje, ngulfatje, asfiksi.

ASFIKSUES

ASFIKSÚES,~E mb. Që shkakton asfiksim ose që ka mundësi të shkaktojë asfiksi; lëndë, mjedis, gjendje, veprim që mund të shkaktojë asfiksi, që mund të kufizojë frymëmarrjen e një a më shumë personave duke rrezikuar jetën e tyre. Gaz asfiksues. Mjete asfiksuese. Mjedis asfiksues.
✱Sin.: frymëzënës, mbytës, ngulfatës.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë