Fjalori

Rezultate në përkufizime për “arkëtuar”

Mëso si ta përdorësh
<<< Kthehu te kërkimi kryesor në fjalor

ARKËTOJ

ARKËT/ÓJ vep., ~ÓVA, ~ÚAR kal. 1. fin. Vendos të holla në një arkë të sigurt personale, në një arkë banke, në arkën e një ndërmarrjeje etj.; marr të holla e i derdh në arkë, fut të holla në fondin e arkës; depozitoj. Arkëtoj të hollat. Ai arkëton të ardhurat e tij mujore në bankë. Kishte arkëtuar ar.
2. Vendos diçka (dokumente të vlefshme, sende të çmueshme, bizhuteri ari etj.) në një arkë (kasë, llogari) ose në një vend të sigurt për ta ruajtur. Arkëtoj dokumentet pronësore në arkë hekuri. Bizhuteritë i arkëtova në kasafortë.
3. fig. Arkëtoj diçka me qëllim përfitimi material. Klubi i futbollit arriti të arkëtojë 3 pikë të rëndësishme.

ARKËTUAR

ARKËTÚAR (i, e) mb., fin. Që është vendosur në një arkë bankare, në një arkë personale, në arkën e një ndërmarrjeje etj., për t’u siguruar ose për t’u ruajtur; i depozituar. Pagë e arkëtuar. Të holla të arkëtuara.

INKASUAR

INKASÚAR (i, e) mb. 1. Që është e futur, derdhur a paguar në arkë. Të ardhurat e inkasuara.
2. Që është futur një kasë ose që është mbuluar me kapak druri a plastik. Frigorifer i inkasuar.
✱Sin.: i ngallmuar, i montuar, i arkëtuar.

MANDATARKËTIM

MANDATARKËTÍM,~I m. sh. ~E, ~ET fin. Dokument zyrtar që i dërgohet arkës për të arkëtuar një shumë të hollash. Lëshoi (preu) mandatarkëtimin. Çdo hyrje në arkë vërtetohet me mandatarkëtim.

PAARKËTUAR

PAARKËTÚAR (i, e) mb., fin. Që nuk është i arkëtuar; që nuk është arkëtuar; kund. i arkëtuar. Para të paarkëtuara.

TRANSAKSION

TRANSAKSIÓN,~I m. sh. ~E, ~ET 1. drejt. Marrëveshje në bazë të së cilës, secili heq dorë nga një pjesë e pretendimeve, marrëveshje, ujdi, kompromis.
2. ek. Veprim a operacion që kryhet për të realizuar një shkëmbim shërbimesh a detyrimesh në fushën bankare. Transaksion bankar. Transaksion në treg të hapur. Transaksion ekonomik. Transaksion pas burse. Transaksion nëpërmjet bankave.
3. ek. Shkëmbim tregtar midis dy a më shumë palëve; kontratë midis një shitësi e një blerësi; blerje–shitje; shitje–blerje. Transaksion në lekë (në valutë, në euro, në dollarë). Llogari transaksioni llogari bankare që hap një subjekt biznesi, të cilën e përdor për të arkëtuar të holla (nga shitjet, financimet) ose për të kryer pagesa të ndryshme.
✱Sin.: marrëveshje, ujdi, kompromis, shkëmbim, kontratë, shitje–blerje.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë