Fjalori

Rezultate në përkufizime për “aritmi”

Mëso si ta përdorësh
<<< Kthehu te kërkimi kryesor në fjalor

ARITMI

ARITMÍ,~A f. 1. libr. Mungesë ritmi në një veprim, në një lëvizje ose në një proces; mungesë barazie; humbje e ritmit. Aritmi e vargut. Aritmi poetike. Aritmi e lëkundjeve. Aritmi e jetës.
2. mjek. Shmangie nga ritmi normal i zemrës, shpejtim ose ngadalësim i rrahjeve të zemrës, çrregullim i rrahjeve të zemrës. Aritmi zemre. Vuan nga aritmia. Simptomat e aritmive. Aritmi e parregullt. Parandalimi i aritmisë.
3. muz. Çrregullim i ritmit në një pjesë muzikore a koreografike. Aritmi tingujsh. Aritmi e melodisë. Aritmi e vallëzimit.
✱Sin.: joritmi, çrregullim, çrregullsi, parregullsi, jonjëjtësi, jonjëllojtësi.

BERIBERI

BERIBÉRI m., palak., mjek. Sëmundje e shkaktuar nga mungesa e Vitaminës B1 në trupin e njeriut, e cila shfaqet me dëmtime të sistemit nervor (lodhje, depresion, shqetësime në gjumë etj.), me shqetësime në zemër (aritmi etj.), me dhembje të muskujve, me mungesë oreksi etj. Simptoma të beriberit. U shtrua në spital me diagnozën e beriberit. Në disa zona tropikale beriberi është problem shëndetësor.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë