Fjalori

Rezultate në përkufizime për “argjendurina”

Mëso si ta përdorësh
<<< Kthehu te kërkimi kryesor në fjalor

ARGJEND

ARGJÉND,~I m. 1. kim. Metal i rrallë e i çmuar, i butë, me ngjyrë të bardhë të shkëlqyer, që punohet lehtë dhe që përdoret për të bërë sende, zbukurime, monedha, enë etj. (simboli Ag); serm. Argjend i pastër. Kupë (lugë) argjendi. Monedhë argjendi. Shufër argjendi. Medalje argjendi. Unazë argjendi. Fill argjendi. Punime argjendi. I larë me argjend. Ngjyrë argjendi. Tregtim argjendi. Pluhura metalike prej argjendi.
2. Fill i larë me këtë metal, që përdoret për qëndisje. Qëndis me argjend.
3. zakon. sh. ~E, ~ET Argjendurina.
4. Pjesë e dytë e emërtimeve të përbëra për disa lloje bimësh. Bar argjendi bot. këputje. Lule argjendi bot.

ARGJENDARI

ARGJENDARÍ,~A f. 1. Mjeshtëria e argjendarit, punimi i sendeve dhe i stolive prej ari e argjendi. Punime argjendarie.
2. Punishtja ku bëhen sende prej ari e argjendi; vendi i punës së argjendarit; dyqan ku shiten stoli e sende të punuara me ar e argjend.
3. përmb. Sende e stoli prej argjendi, argjendurina.

ARGJENDURINA

ARGJENDURÍNA,~T f. vet. sh. Sende e stoli prej argjendi ose të veshura me argjend. Argjendurina të çmueshme. Bleu argjendurina. Më pëlqejnë argjendurinat.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë