Fjalori

Rezultate në përkufizime për “aplikohet”

Mëso si ta përdorësh
<<< Kthehu te kërkimi kryesor në fjalor

APLIKIM

APLIKÍM,~I m. sh. ~E, ~ET 1. Veprim kur aplikoj ose kur aplikohet diku a për diçka.
2. Zbatim.
3. Paraqitje e kërkesës për diçka (për punësim, për pozicion pune, për të ndjekur një program studimi në një institucion arsimor ose shkencor, për pranim si anëtar në ndonjë institucion të lartë kombëtar ose ndërkombëtar, për mjete financiare (grante) te ndonjë fondacion, për një leje, për një kurs ose për çështje të tjera administrative etj.). Aplikim në konkursin për punësim. I plotësova kushtet për aplikim. Aplikim për marrje të patentës. Aplikim për pjesëmarrje në festival. Aplikoi për ambasador.
4. Vënie në përdorim (e një metode, një mjeti), vë në funksion (një aparat, një makinë, etj.); vënie në fuqi (e një ligji, e një rregulloreje, e një vendimi, e një urdhri etj.). Aplikim i metodës me elektricitet. Aplikimi i urdhërarrestit. Vendosën për aplikim.
5. Përdorim i diçkaje (i një bari mbi lëkurë, i pikave në sy, etj.). Aplikimi i ilaçit mbi lëkurë. Aplikimi i hidratimit. Nuk bëri punë aplikimi i yndyrës.

APLIKOHET

►APLIK/ÓHET jovep., ~ÚA (u), ~ÚAR vet. v. III 1. vetv. Zbatohet, përdoret. Kjo rregullore aplikohet në institucionet shkencore.
2. pës. e APLIKÓJ.

APLIKUESHËM

APLIKÚESH/ËM (i), ~ME (e) mb. Që mund të aplikohet; i zbatueshëm; kund. i paaplikueshëm; i pazbatueshëm. Vendim i aplikueshëm. Metoda të aplikueshme. Kërkesë e aplikueshme. Marrëveshje e aplikueshme.

MAKIJAZH

MAKIJÁZH,~I m. sh. ~E, ~ET 1. Kozmetika (buzëkuq, pudër, laps për vetullat etj.) që aplikohet në fytyrë për ta përmirësuar ose për ta ndryshuar pamjen e saj. Gruaja kishte bërë makijazh në fytyrë. Përdor (vë, bëj) makijazh.
2. Tërësia e mjeteve të ndryshme (kremi, lapsat me ngjyra, mustaqet, mjekra etj.), që përdoren nga aktori për të ndryshuar pamjen e tij në përshtatje me rolin që luan; grim. Gjeti makijazhin e duhur. Fshin (heq) makijazhin.
3. Mjeshtëria e përdorimit të mjeteve të ndryshme kozmetike për të ndryshuar fytyrën e pamjen e dikujt; grim. Mëson për makijazh. Merret me makijazh.

NDËRKOHËSISHT

NDËRKOHËSÍSHT ndajf. Në të njëjtën kohë; ndërkohë. Skemë që zbatohet ndërkohësisht. Reformë që duhet të aplikohet ndërkohësisht në të gjithë vendin.

PAAPLIKUESHËM

PAAPLIKÚESH/ËM (i), ~ME (e) mb., libr. Që nuk është i aplikueshëm; që nuk mund të aplikohet; kund. i aplikueshëm. Vendimi i urdhrit të stomatologëve tani për tani është i paaplikueshëm.

POSATHARË

POSATHÁRË (i, e) mb. I porsatharë, i sapotharë. Locioni me bazë frutash aplikohet në lëkurën e posatharë pas një dushi.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë