Fjalori

Rezultate në përkufizime për “apel”

Mëso si ta përdorësh
<<< Kthehu te kërkimi kryesor në fjalor

APEL

APÉL,~I m. sh. ~E, ~ET 1. Thirrje emër për emër e nxënësve në shkollë, e ushtarëve ose e njerëzve në një mbledhje për të parë kush mungon. Apeli i mbrëmjes. Bëj apelin. Mungon në apel. Rreshtohemi për apel.
2. drejt., vjet. Ankimi kundër një vendimi gjyqësor, në bazë të së drejtës së të dënuarit për të kërkuar rishikimin e vendimit nga një gjykatë më e lartë; ankimim. Bëj apel. Avokati paraqiti apel. Gjykata e apelit. Komisioni i apelit.
3. Thirrje që u bëhet të tjerëve për të kërkuar përkrahjen dhe ndihmën e tyre në një çështje. Apel për ndihmë. Apel për paqe. U bëj apel. Nënshkruaj apelin.
✱Sin.: kërkesë, thirrje, ankesë, lutje.

APELIM

APELÍM,~I m. sh. ~E, ~ET drejt. 1. Veprimi i të apeluarit, drejtimi i një thirrjeje ose kërkese për ndihmë, për përkrahje ose për veprim. Bëj apelim për ndihmë. Apelimit iu përgjigjën autoritetet përkatëse.
2. Veprimi i paraqitjes së një ankese ose një kërkese për shqyrtimin e një vendimi gjyqësor në një gjykatë më të lartë. E drejta e apelimit. Afati i apelimit. Shqyrtoi apelimin.
3. Dokumenti që përmban kërkesën për të rishikuar një vendim të dhënë nga gjyqi. Shkresë apelimi. Dorëzoj apelimin brenda afatit ligjor.
✱Sin.: thirrje, kërkesë, ankesë, ankim, ankimim, kundërshtim, lutje, apel.

APELOHET

►APEL/ÓHET jovep., ~ÚA (u), ~ÚAR drejt., pës., vet. v. III e APELÓJ. Vendimi mund të apelohet.

APELOJ

APEL/ÓJ vep., ~ÓVA, ~ÚAR drejt., kal. 1. vjet. I drejtohem dikujt me thirrje ose me kërkesë për ndihmë, për përkrahje ose për veprim; bëj apel. Apeloj për ndihmë ndërkombëtare. Apeloi për të ndihmuar të dëmtuarit nga tërmeti.
2. I drejtohem një organi më të lartë për të rishikuar vendimin e dhënë nga një organ më i ulët, ankimoj. Apeloi vendimin. Apelova vendimin për të dytën herë.
✱Sin.: thërras, kërkoj, ankimoj, kundërshtoj.

KUSHTRIMTAR

KUSHTRIMTÁR, ~E mb., poet. 1. Që jep një kushtrim; kushtrimor. Apel kushtrimtar.
2. si em. m. e f. Sipas kuptimit të mbiemrit.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë