Fjalori

Rezultate në përkufizime për “apati”

Mëso si ta përdorësh
<<< Kthehu te kërkimi kryesor në fjalor

APATI

APATÍ,~A f., mjek. Gjendje plogështie shpirtërore e njeriut kur nuk i bën përshtypje asgjë dhe prandaj nuk kundërvepron ndaj ngacmimeve, pandjesi; moskokëçarje e plotë; mosinteresim për punën e për të tjerët; limonti. Apati e plotë. Apati mendore (shpirtërore, estetike). Bie (zhytet) në apati. Jeton në gjendje apatie. Jam në apati të thellë. Shkundem (dal) nga apatia.
✱Sin.: plogështi, pandjesi, moskokëçarje, limonti, indiferencë, ftohtësi.

APATIK

APÁTÍK,~E mb., mjek. Që ka rënë në apati, që nuk e shqetëson e nuk e tërheq asgjë, i plogët; që nuk u përgjigjet ngacmimeve të jashtme. Njeri apatik. Me natyrë apatike. Qëndrim apatik.
✱Sin.: i plogësht, i plogët, i pandjeshëm, moskokëçarës, shpërfillës, mospërfillës, i ftohtë, i mpitë, indiferent.

LIMONTI

LIMONTÍ,~A f. 1. Gjendja e një njeriu që rri pa punë ose që e kalon kohën kot; të ndenjurit pa bërë asgjë; amulli, plogështi. Ditë limontie.
2. Gjendje plogështie shpirtërore, kur njeriut nuk i bën përshtypje asgjë dhe nuk kundërvepron ndaj ngacmimeve, pandjesi; moskokëçarje e plotë dhe mosinteresim për punën e për të tjerët; amulli shpirtërore. Ra në limonti. E ka zënë një farë limontie.
✱Sin.: amulli, plogështi, apati, pandjesi, moskokëçarje.

MOSKOKËÇARJE

MOSKOKËÇÁRJ/E,~A f. sh. ~E, ~ET Mungesë kujdesi, shqetësimi e kokëçarjeje për diçka, shkujdesje; të qenët moskokëçarës. Moskokëçarja e tij për punën ishte sfiduese. Aksidenti u shkaktua nga moskokëçarja. Sillej (fliste, u përgjigj) me moskokëçarje.
✱Sin.: mosinteresim, shkujdesje, mëveshti, mospërfillje, shpërfillje, apati.

MËVESHTI

MËVESHTÍ,~A f. Gjendje plogështie shpirtërore, në të cilën njeriut nuk i bën përshtypje asgjë e prandaj nuk kundërvepron ndaj asnjë ngacmimi; moskokëçarje, pandjesi, apati. Vazhdon të lexojë me një mëveshti shembullore.
✱Sin.: plogështi, moskokëçarje, pandjesi.

PANDJESI

PANDJESÍ,~A f. Gjendje e brendshme e njeriut, kur nuk e ndien veprimin e ngacmimeve të jashtme dhe nuk përgjigjet ndaj tyre, gjendja kur dikujt nuk i bën përshtypje asgjë, mungesë ndjesie ndaj dikujt a diçkaje; kund. ndjesi.
✱Sin.: apati, limonti.

PLOGËSHTI

PLOGËSHTÍ,~A f. 1. Të qenët i plogësht, vetia e atij që është i plogësht. Ka plogështi. Bie në plogështi. Doli nga plogështia.
2. fiz. Plogëti.
✱Sin.: plogëti, plogështim, ngathtësi, mefshtësi, apati, letargji, mëveshti, vaktësi, përtesë, amulli, amullim, këputje, amti, gjumë, gjumësi, topitje, avashllëk, dobësi, inerci.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë