Fjalori

Rezultate në përkufizime për “anuluar”

Mëso si ta përdorësh
<<< Kthehu te kërkimi kryesor në fjalor

ABROGUAR

ABROGÚAR (i, e) mb., drejt. Që është hedhur poshtë (një ligj), që është prapësuar (një vendim, një marrëveshje, një urdhër etj.). Dispozitë ligjore e abroguar. Marrëveshje e abroguar.
✱Sin.: i shfuqizuar, i prapësuar, i asgjësuar, i pezulluar, i anuluar.

ANULUAR

ANULÚAR (i, e) mb. 1. drejt. I zhbërë, i kthyer mbrapsht ose i hedhur poshtë (një statut, një ligj, një vendim, një marrëveshje etj.). Udhëzim administrativ i anuluar. Aktgjykim i anuluar. Urdhërarreste të anuluara.
2. I prapësuar, i tërhequr.
✱Sin.: i shfuqizuar, i prapësuari, i abroguar.

MARKOFILI

MARKOFILÍ,~A f. Studimi e grumbullimi i specializuar i pullave postare dhe i vulave që stampohen me dorë a me makinë mbi të njëjtën pako, kartolinë, letër etj. për të treguar që është bërë pagesa përkatëse, për të anuluar pullën etj.

MOSANULIM

MOSANULÍM,~I m. 1. Mungesë dëshire, vullneti a përpjekjesh për të anuluar diçka; kund. anulim. Shqyrtohen kërkesat për mosanulim të afateve të provimeve.
2. Mospranim, kundërshtim a refuzim për të anuluar diçka.

PAANULUAR

PAANULÚAR (i, e) mb. Që nuk është anuluar; kund. i anuluar. Vendim i paanuluar. Marrëveshje (kontratë) e paanuluar.

SHFUQIZUAR

SHFUQIZÚAR (i, e) mb., drejt. Që është i pavlefshëm, që është shfuqizuar, që nuk është më në fuqi; i anuluar, i prapësuar. Ligj (traktat, urdhër, vendim) i shfuqizuar. Nen i shfuqizuar. Paragraf i shfuqizuar.
✱Sin.: i revokuar, i pafuqi, i anuluar, i prapësuar, i zhvleftësuar.

ZERUAR

ZERÚAR (i, e) mb. Që është bërë a është barazuar me zero; që është fshirë, që është anuluar ose që është rikthyer në gjendjen fillestare. Llogari e zeruar. Bilanci financiar doli i zeruar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë