Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
ANTAGONÍST,~E mb. 1. libr. Që është në kundërshtim të papajtueshëm me dikë a me diçka tjetër; që shfaq qëndrim armiqësor, kundërshtues, ose kundërvënie; që ka antagonizëm. Veprim antagonist. Forca antagoniste. Mospajtime antagoniste. Interesa (marrëdhënie) antagoniste.
2. fiziol. Që kryen veprime e funksione krejt të kundërta në krahasim me ato të një lënde a organi tjetër të trupit. Lëndë antagoniste. Muskuj antagonistë. Ilaçe me efekt antagonist. Ndikim antagonist.
✱Sin.: kundërshtimor, kontradiktor, mospajtues, konfliktues, konfliktual.
KONFLÍKT,~I m. sh. ~E, ~ET 1. edhe drejt. Mosmarrëveshje e thellë ndërmjet dy njerëzve, dy shteteve, dy palëve etj., që shkon deri në përdorimin e armëve. Konflikt interesi. Konflikt familjar (ushtarak, i armatosur). Konflikt i rastit (banal). Vatër konfliktesh. Zgjidhja e konfliktit. Ashpërsohet (acarohet) konflikti.
2. filoz. Sipas filozofisë marksiste: një ndër llojet e kontradiktave antagoniste, kur konflikti zgjidhet vetëm me luftë.
KONTRADÍKT/Ë,~A f. sh. ~A, ~AT 1. Mospajtim a mospërputhje mendimesh, interesash etj.; mosmarrëveshje ndërmjet dy njerëzve a dy palëve; kundërvënie; kundërshti. Kontradikta të thella. Kanë kontradikta ndërmjet tyre.
2. filoz. Kategori e dialektikës që shpreh një formë të caktuar të ekzistencës shoqërore, kryesisht kundërvënien a luftën ndërmjet anëve të kundërta të zhvillimit të dukurive, të sendeve etj. (në natyrë e në shoqëri); kundërti. Kontradikta antagoniste kontradikta të papajtueshme. Kontradikta joantagoniste. Ashpërsohen (zgjidhen) kontradiktat.
✱Sin.: kundërshti, kundërvënie, kundërti, kundërthënie.
KUNDËRTÍ,~A f. 1. logj. Të qenët i kundërt; kundërshti; antinomi.
2. gjuh. E kundërta, antonimia. Kundërti antagoniste.
✱Sin.: kundërshti, e kundërt, antonimi, kontradiktë.
SKLLAVOPRONARÍ,~A f. sh. ~, ~TË 1. Rend ekonomiko-shoqëror i kohës së lashtë me klasa antagoniste, që mbështetej në shfrytëzimin e punës së skllevërve, të cilët ishin pronë e plotë e skllavopronarëve; rendi skllavopronar. Skllavopronaria ishte rend i shoqërive të lashta. Fazat e zhvillimit ekonomik të shoqërisë njerëzore, që nga skllavopronaria, deri te kapitalizmi.
2. Mbajtja e skllevërve si pronë, zotërimi i skllevërve si pronë. Skllavopronaria duhet të mos ekzistojë më.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë