Fjalori

Rezultate në përkufizime për “anormal”

Mëso si ta përdorësh
<<< Kthehu te kërkimi kryesor në fjalor

ABNORMAL

ABNORMÁL,~E mb. 1. Që i shmanget normales, që nuk është normal, që është jo i rregullt, anormal, jonormal; kund. normal. Njeri abnormal. Zhvillim abnormal. Proces abnormal. Ecuri abnormale. Ndryshime abnormale.
2. mjek. Që tregon shenja të një çrregullimi neuropsikiatrik. Shfaqje abnormale. Sjellje abnormale. Simptoma abnormale.
✱Sin.: jonormal, anormal, i parregullt.

ANORMAL

ANORMÁL,~E mb. 1. Që nuk përputhet me normat e me rregullat e përgjithshme, që kryhet ose zhvillohet jo sipas normës së zakonshme, jonormal; kund. normal. Gjendje anormale. Zhvillim anormal. Në kushte anormale. Rrethana anormale.
2. bised. Që nuk e ka mendjen në rregull, që nuk është më të e që nuk mund të përgjigjet për veprimet e veta; që i është prishur mendja. Njeri anormal. Veprime anormale. Sjellje anormale.
✱Sin.: jonormal, i parregullt.

ANORMAL

ANORMÁL,~I m. sh. ~Ë, ~ËT Ai që nuk është i përgjegjshëm për veprimet e veta; ai që nuk e ka mendjen në rregull; ai që i është prishur nga mendja, i sëmurë nga mendja, i sëmurë; kund. normal. Dukej anormal. Është anormal.
✱Sin.: jonormal, i sëmurë.

CISTOMË

CISTÓM/Ë,~A f. sh. ~A, ~AT mjek. Trup anormal në vezore, tumor.

HIDROCEFALI

HIDROCEFALÍ,~A f., mjek. Grumbullim anormal i lëngjeve të trurit dhe palcës kurrizore në zgavrën e kokës, duke rritur presionin brenda kafkës.

NORMAL

NORMÁL,~E mb. 1. Që është ose që bëhet në përputhje me zhvillimin e rregullt e të zakonshëm të gjërave; që nuk ka ndonjë gjë të jashtëzakonshme, që nuk shmanget nga norma; i rregullt, i zakonshëm; kund. anormal, jonormal. Gjendje normale. Zhvillimi normal. Temperaturë normale as e ftohtë, as e nxehtë. Anatomia normale e njeriut anatomia e trupit të njeriut të shëndoshë. Jetesë normale. Është normale të kemi të meta.
2. Që është i shëndoshë nga ana mendore. Njeri normal. Nuk është normal.
3. mat. Që bie pingul mbi një rrafsh. Drejtëz normale me një rrafsh.
4. vjet. Pedagogjik (për shkollën e mesme). Shkollë normale shkollë pedagogjike, shkollë për përgatitjen e mësuesve.
✱Sin.: i rregullt, i zakonshëm, i natyrshëm, pingul, i shëndoshë, pedagogjik.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë