Fjalori

Rezultate në përkufizime për “angazhoj”

Mëso si ta përdorësh
<<< Kthehu te kërkimi kryesor në fjalor

ANGAZHIM

ANGAZHÍM,~I m. sh. ~E, ~ET 1. Veprimi kur angazhoj ose kur angazhohem.
2. Marrje a pranim i punëve, a i detyrimeve të ndryshme në kushte të caktuara kohore dhe marrëveshjesore; të angazhuarit. Angazhim parësor. Angazhimi i shoqërisë. Angazhimi i të rinjve. Angazhimi i forcave (i mjeteve). Angazhimi i shoqërisë. Angazhim i ri.
3. Zotim. Marr angazhim zotohem. Mbaj (plotësoj) angazhimin. I përmbahem marrëveshjes së angazhimit.

ANGAZHOJ

ANGAZH/ÓJ vep., ~ÓVA, ~ÚAR kal. 1. libr. Vë në veprim dikë për një qëllim të caktuar, për një aktivitet, për një proces; i jap dikujt një përgjegjësi për të kryer diçka; e përfshij me vetëdije në një veprimtari, ia ngarkoj dikujt si detyrë një punë etj. Angazhoj dikë. Angazhova një mësues të gjuhës italiane për mbesën. Angazhoi forcat e sigurisë për të ruajtur rendin.
2. Zë me qira për vete një mjet, një sallë etj., pajtoj për vete. Angazhoi një makinë (një karrocë). Angazhoi sallën. Angazhoi personelin ndihmës. Angazhuan avokatin.
3. usht. Hedh trupat në veprime luftarake; e detyroj dikë të marrë pjesë në luftime, e ngërthej në luftime. Angazhoi në betejë ushtarët e rinj.

IMPENJOJ

IMPENJ/ÓJ vep., ~ÓVA, ~ÚAR kal. Përkushtoj; angazhoj. Impenjoj të gjithë grupin.

PAJTOJ

PAJT/ÓJII vep., ~ÓVA, ~ÚAR kal. 1. E marr dikë në punë, duke rënë në ujdi për pagesën (në kushtet e sundimit të pronës private). Pajtonin shërbëtorë (ustallarë, argatë). Pajtoj një punonjëse pastrimi për shtëpi. Pajtoj një rritëse fëmijësh.
2. E fut dikë në një punë te dikush duke rënë në ujdi për pagesën. E pajtoi të birin te këpucari. E pajtoi në punë.
3. Marr a zë me qira diçka (një banesë, një mjet etj.) për ta përdorur për një kohë të caktuar. E pajtoi lirë. Pajtoi një makinë garash.
4. Bëj pajtimin për dikë në një organ shtypi ose në diçka tjetër. E pajtoi në gazetë (në revistë).
✱Sin.: punësoj, zë, angazhoj, abonoj.

ÇANGAZHOJ

ÇANGAZH/ÓJ vep., ~ÓVA, ~ÚAR kal., libr. E tërheq ose e nxjerr dikë nga një angazhim ose zotim që ka marrë për një punë a veprimtari; kund. angazhoj. Gjoja i kanë çangazhuar ushtarët përgjatë kufirit dhe jo larguar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë