Fjalori

Rezultate në përkufizime për “angështuar”

Mëso si ta përdorësh
<<< Kthehu te kërkimi kryesor në fjalor

ANGËSHTUAR

ANGËSHTÚAR (i, e) mb. Që e ka pushtuar angështia, që ndien një peshë në zemër; i ndrydhur. Grua e angështuar. I angështuar nga brengat.

ANGËSHTUES

ANGËSHTÚES,~E mb. 1. Që të angështon, që nxit ankth. Brenga angështuese. Natyrë angështuese.
2. I angështuar. Zemër angështuese.

ANKTHIOZ

ANKTHIÓZ,~E mb. Që ka ankth, që e kap ankthi. Fëmijë ankthioz. Gjendje ankthioze. Frikë ankthioze.
✱Sin.: i ankthët, i ankthshëm, i angështuar, i frikësuar, i shqetësuar, i trazuar, i stresuar.

ANKTHUAR

ANKTHÚAR (i, e) mb. Që ka ankth, që e zë ankthi. Ishte i ankthuar. Gjendje e ankthuar.
✱Sin.: i ankthshëm, i angështuar, i frikësuar, i shqetësuar, i trazuar, i stresuar.

ANKTHËT

ÁNKTHËT (i, e) mb. Që ka ankth a që ndien ankth; që përjeton ose që e zë ankthi në gjumë. Fëmijë i ankthët. Gjumë i ankthët. Gjumi im është i ankthet.
✱Sin.: i ankthshëm, i angështuar, i frikësuar, i shqetësuar, i trazuar, i stresuar.

NDRYDHUR

NDRÝDHUR (i, e) mb. 1. Që është shtypur e i është pakësuar vëllimi, i ngjeshur. Ajër i ndrydhur. Gaz i ndrydhur. Djathë i ndrydhur ushqim që bëhet duke ngjeshur e shtypur së bashku djathë të njomë, qepë të njoma, kopër e vaj ulliri. Pogaçe e ndrydhur me djathë dhe qumësht.
2. Që ka dalë nga vendi (një gjymtyrë); që është përdredhur. Këmba e ndrydhur i ishte ënjtur.
3. fig. Që nuk lejohet të shfaqet a të zhvillohet lirisht, që pengohet, që kufizohet a që ngushtohet. Me dëshira (ndjenja) të ndrydhura. Fuqi të ndrydhura. Vullnete të ndrydhura. Jetë e ndrydhur. E mbante të ndrydhur.
4. fig. Që nuk sillet e nuk vepron lirisht në jetë, i druajtur; që është i mbyllur në vetvete. Vajzë e ndrydhur. Fëmijë i ndrydhur.
✱Sin.: i shtypur, i ngjeshur, i përndrydhur, i përdredhur, i shtypur, i kufizuar, i ngurosur, i topitur, i druajtur, i kyçur, i ndryrë, i mbyllur, i angështuar, i nënshtruar, i ndrydhët, i tulatur.

STRESUAR

STRESÚAR (i, e) mb., psikol. Që ka tensionim mendor ose emocional që krijohet në rrethana të vështira. Njeri i stresuar. Shenja që tregojnë se jeni të stresuar. Kur ndjehemi të stresuar. Nxënësit e stresuar kanë rezultate më të ulëta.
✱Sin.: i ankthuar, i angështuar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë