Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
ANALÍST,~III m. sh. ~Ë, ~ËT 1. Ai që analizon çështje a tema nga fusha të ndryshme; analizues. Analist i ekonomisë. Analist profesional. Analist politik. Analist bankar (financiar). Analist i tregut (i bursës). Analist opinionist.
2. Publicist që merret me analizën e ngjarjeve e të situatave politike etj.; opinionist. Analistët politikë. Analistët televizivë.
✱Sin.: analizues, komentues, kritik, opinionist.
ANALITÍK,~E mb. 1. Që përdor metodën e analizës; që mbështetet në analizën; që paraqitet a shqyrtohet përmes analizës, analizues; kund. sintetik. Gjykim analitik. Metoda analitike. Gjeometria analitike. Psikologjia analitike. Ekspertizë analitike. Raport analitik. Mjetet analitike. Me rrugë analitike. Logjika analitike logjika që merret me konceptet, gjykimet dhe përfundimet.
2. Që është i zbërthyer, i shkoqitur me hollësi, analizues; kund. sintetik. Plan (program) analitik. Bibliografi analitike. Filozofia analitike.
3. spec. Që shërben për analiza; që bën analiza. Peshore analitike. Laboratori analitik. Instrumente analitike.
4. gjuh. Që i shpreh marrëdhëniet ndërmjet fjalëve në fjali jo me mbaresa, por me mjete të tjera të veçanta; që përbëhet nga njësi të veçuara gjuhësore (për trajtat e përbëra); kund. sintetik. Gjuhë analitike. Përkufizim analitik. Trajtë analitike. Ndërtime analitike.
ANALIZÚES,~E mb. Që analizon, që ka prirje për të bërë analiza; kund. sintetizues. Ekspert analizues. Mjet analizues. Metodë analizuese. Fakte analizuese. Vlerë analizuese. Gazetari analizuese. Shkrim analizues. Mendje analizuese. Aftësi analizuese.
✱Sin.: zbërthyes, shkoqitës, përimtues, shqyrtues, shoshitës, qëmtues.
ANALIZÚES,~I m. sh. ~, ~IT 1. Ai që analizon, ai që ka prirje për të bërë analiza; analist; kund. sintetizues. Analizues politik. Analizues i përpiktë. Analizuesit e tregut parashikojnë ndryshime ekonomike.
2. Pajisje, mjet ose program që bën analiza, që shqyrton dhe që zbërthen një tërësi për të kuptuar më mirë përbërjen ose funksionimin e saj. Në laborator përdorën një analizues kimik. Softueri ka një analizues të integruar për gabimet. Analizuesi sintaksor zbërthen strukturën e fjalisë.
✱Sin.: zbërthyes, shkoqitës, përimtues, shqyrtues, shoshitës, qëmtues.
EKSPÉRT,~I m. sh. ~Ë, ~ËT libr. Specialist që ka njohuri, përgatitje, mjeshtëri a përvojë të posaçme e të gjatë në një fushë të veprimtarisë; ai që merr pjesë në një ekspertizë. Ekspert teknik (ushtarak). Ekspert prodhimi. Mendimi i ekspertit. Grupi i ekspertëve. Një komision ekspertësh dhe përfaqësuesish të popullit.
✱Sin.: specialist, mjeshtër, analizues.
SINTETIZÚES,~E mb. 1. Që ka aftësinë të bëjë sintezë; kund. analizues. Proces sintetizues. Ka dhunti sintetizuese. Kjo kërkonte aftësi sintetizuese.
2. Që paraqet në mënyrë përgjithësuese e përmbledhtazi anët më të rëndësishme e themelore, që përgjithëson, përgjithësues. Vepër sintetizuese. Botoi një artikull sintetizues. Njihej për shkrimet e tij sintetizuese. Mënyra e krijimit të tekstit sintetizues.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë