Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
AEROHIDROPLÁN,~I m. sh. ~Ë, ~ËT av. Hidroplan, aeroplan amfib.
AMFÍB,~E mb. 1. biol. Që mund të jetojë në tokë dhe në ujë, nënujor. Kafshë amfibe. Bimë amfibe.
2. usht. Që është i pajisur dhe i përshtatur për të ecur në tokë dhe në ujë ose për t’u ulur në tokë dhe në ujë. Mjete amfibe. Makina amfibe. Tank (aeroplan) amfib. Autobus amfib. Kompani amfibe. Sulm amfib.
3. Që është bërë për ta veshur në ujë për të lehtësuar zhytjen dhe për të ruajtur temperaturën e trupit. Atlete amfibe. Këpucë sportive amfibe.
4. fig. I shkathët, që mund kryej më shumë se një punë. Njeri amfib.
AMFÍB,~I m. sh. ~Ë, ~ËT (lat. Amphibius) 1. zool. Kafshë ose bimë që mund të jetojnë në tokë dhe në ujë (bretkosa, pikëlorja, picërraku, cikalorja, salamandra e verdhë, salamandra e zezë) etj.); dyjetës.
2. bot. Bimë që rritet në tokë e në ujë (kërpuçi, xunkthi, shavari, kallami, rogosta etj.) Bimë amfibe.
3. Mjet motorik që mund të lëvizë në tokë dhe në ujë. Amfib lundrues. Amfib futuristik. Amfib luksoz.
4. usht. Aeroplan ose fluturake e pajisur me rrota e me varka, që mund të ulet e ngrihet si në tokë ashtu edhe në ujë. Njësiti i amfibëve. Amfib laserik.
6. Veshje për të ecur në ujë në formën e fluturakëve amfibë.
7. fig. Njeri dyfytyrësh. Luan rolin e amfibit.
MEMBRÁN/Ë,~A f. sh. ~A, ~AT 1. anat., bot., biol. Cipë ose ind i hollë, që vesh a mbulon një organ të frymorëve, një farë, qelizën etj.; lëkurëz. Membrana e qelizës. Membrana e syrit. Shpend me këmbë pa membranë midis gishtave. Amfib me gishta pjesërisht të ngjitur me membranë.
2. fiz., tek. Fletë e hollë, zakonisht prej gome a prej metali, që vesh aparate, mekanizma të ndryshëm etj. ose që është pjesë e tyre; mbulesë e hollë. Membranë e valëzuar. Membrana e pompës. Membrana e telefonit. Membrana e altoparlantit.
SHAPULÍC/Ë,~A f. sh. ~A, ~AT 1. zool. (lat. Bufo viridis) Amfib me madhësi mesatare, që gjendet më së shumti në vende malore, me trup të mbuluar me njolla të gjelbra dhe të bardha; zhabë, çapërkosë. Shapulica doli nga uji. Pellgu ishte mbushur me shapulica. Shapulica është një amfib. Shapulica barkbardhë (lat. Rana ridibunda) bretkosa e zakonshme, zhaba.
2. si mb., fig. Që është trupvogël, jo e bukur dhe e ngathët. Grua shapulicë.
✱Sin.: zhabë, bretkosë, breq, bretk, çapërkosë, bretkosë, thith, thithëlopë.
TANK,~UI m. sh. ~E, ~ET usht. Makinë e fuqishme luftarake e blinduar, që lëviz zakonisht mbi zinxhirë dhe që është pajisur me mitraloza e me topa të vendosur në një kullë të manovrueshme nga brenda. Tank i lehtë. Tank i rëndë. Tank i mesëm. Tank amfib tank që ecën edhe në ujë, tank uji. Ushtar i tankut. Njësiti (reparti) i tankeve. Kulla e tankut. Luftë (sulm) me tanke. Goditje me tank.
TRITÓN,~I m. sh. ~Ë, ~ËT zool. (lat. Triturus vulgaris) 1. Amfib i vogël me katër këmbë e me bisht të gjatë dhe të sheshtë, me trup të gjatë dhe të hollë, lëkurë të lagësht, zakonisht me ngjyrë kafe në jeshile, me njolla të errëta, i ngjashëm me pisërëngën, që jeton pranë pellgjeve e ujërave të ndenjura dhe që kalon shumë kohë në ujë; hardhuca e ujit, peshku i ujit, tritoni me pika.
2. zool. Pjesë e parë e emërtimeve të pathjeshta për disa lloje tritonesh: Tritoni alpin (lat. Triturus alpestris) triton me shpinë kafe ose të hirtë dhe me bark të verdhë që rritet që nga lartësi të ulëta deri në lartësi të mëdha mbi nivelin e detit. Triton me kreshtë (lat. Triturus cristatus) triton me ngjyrë të errët, me lëkurë të ashpër me bisht të madh sa gjatësia e trupit, me bark të verdhë në ngjyrë portokalli; mashkulli ka një kreshtë të gjatë në periudhën e shumimit. Tritoni i gjarpërinjve (lat. Triturus marmoratus) triton me trup të gjatë dhe të hollë, me bisht gjithashtu të gjatë, me ngjyrë karakteristike të trupit jeshile me njolla të zeza ose të errëta, që ngjan me lëkurën e gjarpërinjve, me bark me ngjyrë portokalli me njolla të zeza, që jeton në pyje dhe kopshte të lagështa.
3. mit. Perëndi detare me kokë dhe trup njeriu deri në brez dhe më poshtë vazhdon si peshk.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë