Fjalori

Rezultate në përkufizime për “ambalazhoj”

Mëso si ta përdorësh
<<< Kthehu te kërkimi kryesor në fjalor

AMBALAZHIM

AMBALAZHÍM,~I m. 1. Veprimi kur ambalazhoj ose kur ambalazhohet diçka.
2. Mbështjellja ose paketimi i mallrave të ndryshme për ruajtje, për bartje, për dhurim etj. Ambalazhimi i mallrave (i duhanit, i alkoolit, i kafes). Ambalazhimi në arka (në shishe). Punëtorët e ambalazhimit. Bëj ambalazhimin. Teknologjia e ambalazhimit. Shpenzimet e ambalazhimit. Ambalazhimi i produkteve ushqimore. Linjë moderne ambalazhimi. Ambalazhim fizik. Ambalazhim ushqimor. Ambalazhim industrial. Ambalazhim kozmetik. Ambalazhim ekologjik. Standardet ndërkombëtare të ambalazhimit.
3. Ambalazh.
✱Sin.: mbështjellje, paketim.

AMBALAZHOJ

AMBALAZH/ÓJ vep., ~ÓVA, ~ÚAR kal. Mbështjell ose paketoj me letër, me karton, me pëlhurë etj. ose fut në arka, në shishe etj. mallra të ndryshme që të mos dëmtohen kur ruhen ose kur barten nga një vend në tjetrin dhe që të lehtësohet shitja e tyre. Ambalazhoj perimet (birrën, librat). Ambalazhoj me letër. Ambalazhoj në arka. Ambalazhuan frutat për eksport. Ambalazhoi porositë për dërgim.
✱Sin.: mbështjell, paketoj.

KASHTOJ

KASHT/ÓJ vep., ~ÓVA, ~ÚAR kal. 1. Mbuloj me kashtë një kasolle, një kolibe etj. Po kashtoja kasollen.
2. Thur a ambalazhoj me kashtë (një shishe, një damixhanë etj.) që të mos thyhet. Kashton shishet e verës.
3. Ushqej bagëtinë me kashtë, bëj kashtimin e bagëtive; grazhdoj. Kashtoi bagëtinë.
4. fig., bised. E rrah fort, e zhdëp në dru (një njeri a një kafshë shtëpiake). E shava se po kashtonte fëmijën.
✱Sin.: grazhdoj, zhdëp.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë