Fjalori

Rezultate në përkufizime për “amalgamë”

Mëso si ta përdorësh
<<< Kthehu te kërkimi kryesor në fjalor

AMALGAMIM

AMALGAMÍM,~I m., libr. 1. Veprimi kur amalgamoj ose kur amalgamohen dy a më shumë lëndë, ide etj.
2. kim. Përzierje e metaleve me zhivën. Procesi i amalgamimit. Amalgamim metalesh (materialesh).
3. fig., Përzierje e gjërave në një tërësi të vetme. Amalgamim racash. Amalgamim gjuhësh. Amalgamim i bashkësive shoqërore. Amalgamimi i politikave sociale. Amalgamim kimik. U bë një amalgamim idesh e dëshirash. Amalgamim i njëmendësisë me fantazinë.
✱Sin.: lidhje, përzierje, bashkim, shkrirje, ngjizje, amalgamë.

AMALGAMOHET

►AMALGAM/ÓHET jovep., ~ÚA (u), ~ÚAR vet. v. III 1. kim., vetv. Përzihen metalet me zhivën. Amalgamohet merkuri me argjendin. Amalgamohen elemente të ndryshme.
2. vetv. Bëhet amalgamë e diçkaje me diçka për të sajuar një të tërë. Amalgamohen propozimet. Amalgamohen institutet shkencore.
3. fig., vetv. Përzihen ose shkrihen dy ose më shumë gjëra në një të vetme. Amalgamohen kulturat fqinje. Amalgamohen të folmet krahinore. Amalgamohen veshjet kombëtare.
4. pës. e AMALGAMÓJ. U amalgamua masa e lëngjeve. U amalgamuan pijet alkoolike.
✱Sin.: lidhet, bashkohet, përzihet, shkrihet, ngjizet.

AMALGAMOJ

AMALGAM/ÓJ vep., ~ÓVA, ~ÚAR libr., kal. 1. kim. Lidh zhivën me metale të tjera; përziej fort disa metale në një përzierje të vetme, bëj amalgamë. Amalgamoj argjendin e arin.
2. fig. Përziej gjëra të ndryshme në tërësi. Amalgamoj ndërmarrjet. Amalgamoj bashkësi të ndryshme interesash. Amalgamoj mendimet. Amalgamoj ngjyrat. Amalgamova llojet e ushqimeve.
✱Sin.: lidh, bashkoj, përziej, shkrij, ngjiz.

AMALGAMUAR

AMALGAMÚAR (i, e) mb. 1. kim. I bërë amalgamë, që është përzier me metalet e tjera.
2. fig. I bashkuar në një tërësi.
✱Sin.: i lidhur, i bashkuar, i përzier, i shkrirë, i ngjizur

AMALGAMË

AMALGÁM/Ë,~A f. sh. ~A, ~AT libr. 1. Lidhje ose bashkim i diçkaje për të formuar një të tërë; përzierje e një njësie me një tjetër, shkrirje. Amalgamë kimike. Amalgamë organike. Amalgamë pijesh.
2. kim. Lidhje e zhivës (e merkurit) me një metal tjetër; përzierje e disa metaleve të shkrira në zhivë. Amalgamë plumbi. Amalgamë kallaji. Amalgama e arit e shkrirë në zhivë. Amalgamë argjendi e ari. Amalgamë dentare. Mbushje dhëmbi me amalgamë.
3. fig. Përzierje e fortë gjërash të ndryshme. Amalgamë kulturash. Amalgamë politikanësh. Amalgamë idesh. Amalgamë ndjenjash. Amalgamë dialektesh. Amalgamë stilesh. Teksti me një amalgamë faktesh. Amalgamë trillimesh.
✱Sin.: lidhje, përzierje, bashkim, shkrirje, ngjizje, amalgamim.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë