Fjalori

Rezultate në përkufizime për “alkoolizuar”

Mëso si ta përdorësh
<<< Kthehu te kërkimi kryesor në fjalor

ALKOOLIZOHEM

►ALKOOLIZ/ÓHEM jovep., ~ÓVA (u), ~ÚAR 1. vetv. Pi vazhdimisht e me tepri pije alkoolike, saqë arrij një gjendje të sëmurë; bëhem i varur nga alkooli, bëhem i alkoolizuar. Alkoolizohem çdo natë me shoqërinë time.
2. vetv., vet. v. III. Shndërrohet në alkool.
3. pës. e ALKOOLIZÓJ. U alkoolizua në moshë shumë të re.

ALKOOLIZUAR

ALKOOLIZÚAR (i, e) mb. 1. Që ka përmbajtje të lartë alkooli.
2. Që ka pirë me tepri alkool, saqë ka arritur në një gjendje të sëmurë; që është i varur nga alkooli. Ai është i alkoolizuar prej vitesh. U paraqit para publikut i alkoolizuar.

INTOKSIKUAR

INTOKSIKÚAR (i, e) mb. 1. Që është i droguar a i alkoolizuar.
2. Që është helmuar nga një ushqim. Fëmijë të intoksikuar. Dhjetëra qytetarë të intoksikuar u gjetën në metro.
3. fig. Që është i helmuar nga ide, nga teori, nga emisione a nga programe me përmbajtje antinjerëzore etj.

PAALKOOLIZUAR

PAALKOOLIZÚAR (i, e) mb. Që nuk është i alkoolizuar; kund. i alkoolizuar. Musht i paalkoolizuar. Birrë (verë) e paalkoolizuar.

TOKSIKOMAN

TOKSIKOMÁN,~E mb. 1. Që vuan nga toksikomania; që ka varësi ndaj lëndëve toksike, zakonisht droga ose barna që ndikojnë në sistemin nervor dhe sjelljen, që i përdor ato në mënyrë të tepruar ose problematike; drogmen, i alkoolizuar.
2. si em. m. e f. Sipas kuptimit të mbiemrit.

ÇALKOOLIZUAR

ÇALKOOLIZÚAR (i, e) mb. Që i ulet përqindja e alkoolit ose i hiqet tërësisht, pije pa alkool; kund. i alkoolizuar. Birrë e çalkoolizuar. Por kur themi e çalkoolizuar, do të thotë që alkooli është hequr plotësisht ose pjesërisht nga një verë e fermentuar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë