Fjalori

Rezultate në përkufizime për “algoritëm”

Mëso si ta përdorësh
<<< Kthehu te kërkimi kryesor në fjalor

ALGORITËM

ALGORÍT/ËM,~MI m. sh. ~MA, ~MAT 1. mat. Rregull ose përshkrim për zgjidhjen e një problemi matematikor; përshkrim e udhëzim i një mënyre llogaritjeje me numra dhjetorë. Tabela e algoritmeve.
2. inf. Program kompjuterik që funksionin si algoritëm duke i dhënë udhëzime kompjuterit për hapat dhe radhën e veprimeve; sekuencë udhëzimesh në një kompjuter; mënyrë përshkrimi e udhëzimi për përpunimin e të dhënave kompjuterike.

ALOKUES

ALOKÚES,~E mb., ek. Që alokon fonde, burime, mjete financiare etj. për një qëllim të caktuar, që alokon; shpërndarës. Sistemi automatik alokues. Ai krijon softuer alokues. Një algoritëm alokues ndan automatikisht detyrat sipas përparësive.

BIOMATEMATIK

BIOMATEMATÍK,~E mb., biol. Që lidhet me biomatematikën, i biomatematikës. Algoritëm biomatematik. Modelime (metoda) biomatematike. Hulumtime biomatematike. Qasje biomatematike.

EUKLIDIAN

EUKLIDIÁN,~E mb. Që lidhet me Euklidin, i Euklidit, matematikanin e Greqisë së Lashtë; që ka të bëjë me zbulimet e Euklidit. Gjeometri euklidiane. Algoritëm euklidian. Distancë euklidiane.

KONDENSOJ

KONDENS/ÓJ vep., ~ÓVA, ~ÚAR kal. 1. tek., vet. v. III E bën më të dendur dhe më kompakte, e ngjesh. Forca e rëndesës e kondenson materien.

2. tek. E bëj më të dendur, më kompakt dhe më të vogël në vëllim duke i hequr ujin. Kondensoj qumështin e lopës duke i hequr ujin, afërsisht 69% të tij.

3. fiz. E bëj gazin ose avullin të kthehet në lëng, e kthej nga gjendja e gaztë në gjendje të lëngët; kund. avulloj. Kondensoj avullin për të prodhuar ujë të pijshëm.

4. gjuh., let., filozof., kompj. E kthej në një formë më të shkurtër, e përmbledh në aspektin e kuptimeve e të strukturës (një formulë, një algoritëm, një strukturë kuptimore, një ligjërim etj.). Aplikacioni i ri kondenson lajmet duke u siguruar përdoruesve një përmbledhje. Ekspozita nuk e paraqet historinë si një rrëfim abstrakt, por e kondenson atë në fytyra, qëndrime dhe vështrime. Kondensimi ndërmjet lidhjeve kuptimore zhvillohet më shpejt se diferencimi. Ky algoritëm është një funksion matematikor që kondenson të dhënat në një madhësi fikse.

✱Sin.: dendësoj, përqendroj, ngjesh, përmbledh.

ÇNGJESHJE

ÇNGJÉSHJ/E,~A f. sh. ~E, ~ET Veprimi kur çngjesh diçka apo kur çngjeshet; kund. ngjeshje. Çngjeshje të dhënash. Çngjeshje e arkivit. Algoritëm i çngjeshjes.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë