Fjalori

Rezultate në përkufizime për “akumulator”

Mëso si ta përdorësh
<<< Kthehu te kërkimi kryesor në fjalor

AKUMULATOR

AKUMULATÓR,~I m. sh. ~Ë, ~ËT fiz. Aparat i posaçëm me pllakëza plumbi të zhytura në një lëng me acid sulfurik, që shërben për grumbullimin dhe për ruajtjen e energjisë elektrike, grumbullues dhe ruajtës energjie. Akumulator elektrik. Akumulatorë makinash. Bateri akumulatorësh. Acid akumulatorësh. Ngarkoj akumulatorin.
✱Sin.: gjenerator, shndërrues.

AKUMULUAR

AKUMULÚAR (i, e) mb. Që është grumbulluar ose përqendruar në një vend; i mbledhur, i shumuar, i shtuar, i rritur. Fitim i akumuluar. Energjia ngrohëse e akumuluar. Stres i akumuluar. Qortime të akumuluara.
✱Sin.: i grumbulluar, i mbledhur, i mbushur, akumulator.

AKUMULUES

AKUMULÚES,~I m. sh. ~, ~IT Akumulator, aparat (mjet, pajisje) për grumbullimin e energjisë elektrike; grumbullues, mbledhës.
✱Sin.: grumbullues, mbledhës, mbushës, akumulator.

AKUMULUES

AKUMULÚES,~E mb. Që mund të grumbullojë diçka; mbledhës; akumulator. Aparat akumulues. Energji akumuluese.
✱Sin.: grumbullues, mbledhës, mbushës, akumulator.

NGARKOJ

NGARK/ÓJ vep., ~ÓVA, ~ÚAR kal. 1. Vë një barrë mbi një njeri, mbi një kafshë a mjet për ta çuar nga një vend në një tjetër; hedh mbi kurriz diçka për ta bartur; kund. shkarkoj. Ngarkoj kalin (mushkën, gomarin). Ngarkoj kamionin (karrocën, qerren). Ngarkoj rëndë (lehtë). Ngarkoj me mall. Ngarkoj anijen. Ngarkoj me dru (me trarë, me thasë). Ngarkoj thesin (bucelën, drutë) në kurriz.
2. fig. I vë si detyrë dikujt për të kryer një punë; caktoj dikë për të bërë diçka. I ngarkoi një punë (një detyrë). E ngarkuan punë në komunitet. E ngarkoi për të formuar qeverinë.
3. fig. I jap punë në një sasi të caktuar. E ngarkojnë shumë me punë.
4. fig. Mbush diçka me gjëra të tepërta, të panevojshme ose që nuk janë të domosdoshme; kund. shkarkoj. E ka ngarkuar ca tekstin. Ngarkon kujtesën e nxënësve. E ka ngarkuar me shembuj të panevojshëm (një libër mësimi). E ka ngarkuar shumë shtëpinë.
5. fig. Detyroj dikë të bëjë shpenzime të mëdha, të paguajë taksa të larta etj. I ngarkonin me taksa të rënda. I ngarkoi barrën e shpenzimeve dikujt.
6. fig. Bëj përgjegjës dikë për një veprim a një punë; i vë faj dikujt për diçka, ia hedh në kurriz; kund. shkarkoj. Ia ngarkoj fajin (gabimin, përgjegjësi në) dikujt. Ngarkoj me faj dikë.
7. Mbush një makinë, një furrë etj. me lëndën e parë ose me prodhimet që përpunon. Ngarkoj makinën shirëse (furrën).
8. elektr. Mbush me energji elektrike një bateri, një akumulator etj. duke e lidhur me një burim rryme; kund. shkarkoj. Ngarkoj bateritë (celularin, laptopin).
✱Sin.: rëndoj, mbrus, hipi, barros, barroj, jap, besoj, var, shtie, hedh, vë, caktoj, vesh, ngjesh, fajësoj, përplas, mbush, vras, detyroj.
♦ I ngarkoi (i karikoi) *bateritë (dikush). Ngarkoi *hejbetë (dikush) iron. I ngarkoi (i mblodhi, i ngriti) *plaçkat (dikush) iron. E ngarkon *qafën (dikush).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë