Fjalori

Rezultate në përkufizime për “aktgjykim”

Mëso si ta përdorësh
<<< Kthehu te kërkimi kryesor në fjalor

AKTGJYKIM

AKTGJYKÍM,~I m. sh. ~E, ~ET drejt. 1. Vendimi gjyqësor për zgjidhjen e një çështjeje të caktuar penale, që ka formë të prerë e fuqi ligjore e detyruese për të gjitha palët.
2. Dokument zyrtar, që përmban vendimin e dhënë nga gjyqi, akt i gjykimit; vendim gjyqi. Shpall aktgjykimin. Arriti aktgjykimi. Aktgjykim vërtetues. Aktgjykim detyrues. Aktgjykim dënues. Aktgjykim fajësues. Aktgjykim lirues. Aktgjykim formal. Aktgjykim penal. Aktgjykim në mungesë. Aktgjykim i plotë. Aktgjykim i ankimuar. Aktgjykim përfundimtar. Ekzekutim i aktgjykimit. Aktgjykim mediatik. Mora aktgjykimin.

ANULUAR

ANULÚAR (i, e) mb. 1. drejt. I zhbërë, i kthyer mbrapsht ose i hedhur poshtë (një statut, një ligj, një vendim, një marrëveshje etj.). Udhëzim administrativ i anuluar. Aktgjykim i anuluar. Urdhërarreste të anuluara.
2. I prapësuar, i tërhequr.
✱Sin.: i shfuqizuar, i prapësuari, i abroguar.

APELUAR

APELÚAR (i, e) mb., drejt. I ankimuar a i kthyer mbrapsht (një vendim) me qëllim rishikimi si rrjedhojë e mospajtimit të palës që ka parashtruar ankesë. Vendim i apeluar. Aktgjykim i apeluar.
✱Sin.: ankimues, apelues, apelativ, i kundërshtuar.

APELUES

APELÚES,~E mb. Që mund të apelohet ose që mund të ankimohet (një vendim, një aktgjykim, në procedurë ligjore); ankimues. Aktgjykim apelues. Procedurë gjyqësore apeluese.
✱Sin.: ankimues, kundërshtues, apelues.

ARBITRAZH

ARBITRÁZH,~I m. 1. Zgjidhje e mosmarrëveshjeve me karakter ekonomik, financiar etj. ndërmjet palëve të ndryshme me anë të një komisioni arbitrash; arbitrim. Komisioni i arbitrazhit. Me rrugë arbitrazhi. Arbitrarizmi u dënua nga gazetarët.
2. Gjyq i zgjedhur; organ i posaçëm, i përbërë nga arbitrat, që merret me zgjidhjen e mosmarrëveshjeve kontraktore me karakter ekonomik, financiar etj. ndërmjet palëve të ndryshme, pa të drejtë kundërshtimi. Arbitrazhi i lartë i shtetit. Vendim i arbitrazhit. E hedh në arbitrazh.
3. Gjykim dhe aktgjykim i gjyqit të zgjedhur.

FAJËSUES

FAJËSÚES,~E mb. Që përmban a që shpreh një akuzë. Aktgjykim fajësues. I hodhi një vështrim fajësues.
✱Sin.: paditës, akuzues.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë