Fjalori

Rezultate në përkufizime për “akraballëk”

Mëso si ta përdorësh
<<< Kthehu te kërkimi kryesor në fjalor

AKRABA

AKRABÁ,~JA f., bised., vjet. 1. përmb. Farefisi, rrethi familjar, gjaku e gjinia, akraballëku, ilaka. E ka akraba. Ka shumë akraba. Mbledh akrabanë. Ndihmoj akrabanë. Në dasmë u ftua akrabaja.
2. sh. ~, ~TË keq. Mik. Punë me akraba. Përkrah akrabatë.
✱Sin.: farefis, gjini, kushërini, familje, kushëri, krushk, mik, ilaka, akraballëk.

TARAF

TARÁF,~I m. sh. ~E, ~ET bised. 1. Krahu i njerëzve të një fisi, të një ane etj. Tarafi i tyre. Tarafi ynë. Tarafi i djalit (i dhëndrit, i nuses). Tarafi i nuses përcillte kokëvarur vajzën, kurse ai i dhëndrit e priste buzagaz.
2. Grup njerëzish me interesa të përbashkët që janë lidhur me miqësi, me krushqi e që i mbajnë anën njëri-tjetrit për gjithçka; rreth shoqëror i ngushtë, bllok, takëm, klan, parti. Fryma e tarafit (keq.). Njerëz të një tarafi. Njeri me taraf njeri që ka shumë shokë e miq, që e ndihmojnë dhe i mbajnë anën; njeri me ndikim. Ka taraf të madh ka shumë shokë, miq e të afërm. U ndanë (u përçanë) në tarafe në klane. U bë me tarafin e dikujt mori anën e dikujt, mbron anën e dikujt. Edhe ai ka taraf të madh edhe ai ka njerëz, mbështetës të shumtë. Frymë tarafi përkrahje nepotike; akraballëk. Lidheshin taraf pas tarafi. Kush ka taraf, ha mish e pilaf. (fj. u.).
✱Sin.: anë, grup, sërë, dorë, tabaka, bllok, fraksion, grup, grupazh, takëm, klan.

TARAFLLËK

TARAFLLË́/K,~KU m. sh. ~QE, ~QET bised. Përkrahje e tarafit me vend e pa vend, mbajtja e farefisit, e miqve a e shokëve me hatër; miqësi e sëmurë, akraballëk, nepotizëm, favorizim. Nuk ecet me tarafllëqe se dëmtohet i drejti. E bëri për tarafllëk. Punonte me tarafllëqe. Lufta kundër tarafllëqeve.
✱Sin.: përkrahje, akraballëk, hatërllëk, nepotizëm, favorizim.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë